సెక్స్‌లో పాల్గొనాలని ఒత్తిడి: స్నేహితుల ముందు భార్యను నగ్నంగా!

బెంగుళూరు: అగ్నిసాక్షిగా తాళి కట్టిన భర్తే తన భార్యను స్నేహితులతో సెక్స్‌లో పాల్గొనాలంటూ ఒత్తిడికి గురి చేస్తున్న ఘటన కర్ణాటకలోని కొప్పల జిల్లా కుష్టగిలో బుధవారం వెలుగుచూసింది. కుష్టగి పోలీస్ స్టేషన్‌లో బాధితురాలు ఫిర్యాదులో పేర్కొన్న వివరాలిలా ఉన్నాయి.

మహంతేష్‌ ఓ ప్రైవేట్ సంస్ధలో ఉద్యోగం చేస్తున్నాడు. బాధిత మహిళతో అతనికి కొన్న సంవత్సరాల క్రితం వివాహం జరిగింది. కొన్నాళ్లు సాఫీగానే సాగిన వీరి కాపురంలో ఆ తర్వాత కలతలు ప్రారంభమయ్యాయి. ఇటీవల కాలంలో మహేంతేష్ ప్రవర్తనలో మార్పు వచ్చింది.

తన భార్యను మానసికంగా, శారీరకంగా వేధించడం మొదలుపెట్టాడు. దీంతో పాటు గత నెల రోజులుగా తాగి స్నేహితులతో పాటు నేరుగా ఇంటికి తీసుకురావడం మొదలుపెట్టాడు. మొదట్లో స్నేహితులు హాలులో ఉంటే బెడ్ రూంలో భార్యతో సన్నిహితంగా మెలిగేవాడు.

ఆ తర్వాత కొన్ని రోజులకు తన భార్యను నగ్నంగా స్నేహితుల ముందు నిలబెట్టి రాక్షసానందం పొందసాగాడు. ఇందుకు తన భార్య ఒప్పుకోక పోతే భౌతికంగా దాడులు కూడా చేసేవాడు. ఇంతటితో ఆగలేదు ఆ దుర్మార్గుడి చేష్టలు. చివరకు స్నేహితులతో పడకను పంచుకోవాల్సిందిగా మహంతేష్ తన భార్యను వేధించడం మొదలు పెట్టాడు.

ఒక సంప్రదాయం కలిగిన కుటుంబం నుంచి వచ్చిన ఆమె ఇందుకు ఒప్పుకోక పోవడంతో తీవ్రంగా కొట్టడం మొదలుపెట్టాడు. దీంతో బాధితురాలు తన భర్త వేధింపుల గురించి తల్లిదండ్రులకు తెలియజేసింది. దీంతో బాధితురాలు తల్లిదండ్రుల సూచన మేరకు బుధవారం స్థానిక పోలీస్‌ స్టేషన్‌లో ఫిర్యాదు చేసింది.

English summary

My Husband is sexually harassed almost every day for the last 3 years.