ఢిల్లీ ఎన్నికలు: ప్రచారానికి సోషల్ మీడియా సైతం... ఆప్ నేతపై దాడి

న్యూఢిల్లీ: ఢిల్లీ ఎన్నికల సందర్భంగా బీజేపీ, ఆమ్ ఆద్మీ, కాంగ్రెస్ పార్టీల రోడ్ షోలు గురువారంతో ముగిశాయి. దీంతో పార్టీలు ఆన్‌లైన్ ప్రచారాని తెరదీశాయి. సోషల్ మీడియాలో ఆమ్ ఆద్మీ, బీజేపీ పార్టీలు పోటా పోటీగా తమ పార్టీకే ఓటేయండంటూ ప్రచారం సాగిస్తున్నాయి.

హ్యాస్ ట్యాగులతో ఓటర్లను ఆకట్టుకుంటున్నాయి. ఆమ్ ఆద్మీ పార్టీ అరవింద్ కేజ్రీవాల్‌ను హీరోగా చూపించి ప్రచారం చేస్తుంటే, బీజేపీ మాత్రం పీఎం మోడీ సీఎం బేడీ అంటూ అదరగొడుతుంది. ఫిబ్రవరి 7న జరగనున్న ఢిల్లీ అసెంబ్లీ ఎన్నికల్లో సర్వేలు మాత్రం ఆమ్ ఆద్మీ పార్టీకే సీఎం పీఠం అంటూ చెబుతుంటే, బీజేపీ మాత్రం ఏ మాత్రం తగ్గకుండా తన వంతు ప్రచారాన్ని చేస్తుంది.

ఆప్ నేత అఖిలేశ్‌పతి త్రిపాఠిపై దాడి

ఆమ్ ఆద్మీ పార్టీ నేత అఖిలేశ్‌పతి త్రిపాఠిపై గుర్తు తెలియని వ్యక్తులు శుక్రవారం దాడి చేశారు. ఈ ఘటనలో మరో ఇద్దరు తీవ్రంగా గాయపడ్డారు. త్రిపాఠి ఢిల్లీలోని మోడల్ టౌన్ నుంచి పోటీ చేస్తున్నారు. ఆప్ నేతలపై బీజేపీ దాడులు చేయిస్తుందని ఆప్ ఆరోపించిన విషయం తెలిసిందే.

ఢిల్లీ పోలీసులు బీజేపీ ఒత్తిడితో పనిచేస్తున్నారు: కేజ్రీవాల్

ఢిల్లీ పోలీసులు బేజీపే ఒత్తిడితో పనిచేస్తున్నారని ఆమ్ ఆద్మీ పార్టీ అధినేత అరవింద్ కేజ్రీవాల్ అన్నారు. శుక్రవారం ఢిల్లీలో మీడియాతో మాట్లాడుతూ బీజేపీ ఒత్తడితో తమ అభ్యర్ధులు, కార్యకర్తలపై తప్పుడు కేసులు పెడుతున్నారని ఆయన ఆరోపించారు. ఉత్తమనగర్ నియోజక వర్గ ఆమ్ ఆద్మీ పార్టీ అభ్యర్ది వద్ద మద్యం సీసాలు లభించడం వెనుక బీజేపీ కుట్ర దాగుందని చెప్పారు.

తమ ప్రభుత్వం సాధించిన విజయాలను పేర్కొంటూ బేజీపీకే ఓటు వేయాలంటూ ఆ పార్టీ శుక్రవారం వచ్చిన వార్తా పత్రికల మొదటి పేజీలో ప్రకటనలు ఇచ్చింది. ఎన్నికల ప్రచార గడువు ముగిసిన తర్వాత ఇలాంటి ప్రకటనలు చేయడం ఎన్నికల నియమావళిని ఉల్లంఘించడంమే అవుతుందని ఆప్ నేతలు విమర్శించారు.

ఫిబ్రవరి 7న ఢిల్లీ అసెంబ్లీ ఎన్నికలకు పోలింగ్ జరగనుంది. ఫిబ్రవరి 10న ఫలితాలు వెల్లడించనున్నారు.

English summary

Even though the campaigning for Delhi elections is officially over, the battle continues on social media. Social media platforms like Twitter and Facebook are being extensively used to reach out to the voters at the last minute.