Techy: సార్ టెక్కీ, మేడమ్ మార్వాడి, లవ్ మ్యారేజ్, టెక్కీని బెండ్ తీసి కొత్త పెళ్లికూతుర్ని కిడ్నాప్ చేసి !

ప్రియుడి కంటే ఆస్తిలో ప్రియురాలు చాలా ఎక్కువగానే ఉంది. కుటుంబ సభ్యులను ఎదిరించిన ప్రియురాలు టెక్కీ ప్రియుడిని రిజిస్టర్ మ్యారేజ్ చేసుకుంది. లవ్ మ్యారేజ్ చేసుకున్న దంపతులు సంతోషంగా ఉన్నారు.

చెన్నై/ తేన్ కాశి: ఒకే ప్రాంతంలో నివాసం ఉంటున్న యువతి, యువకుడు ప్రేమించుకున్నారు. ఇద్దరిది ఒకే ప్రాంతం అయినా ఇద్దరిది వేర్వేరు రాష్ట్రాలు. ప్రియుడు ప్రముఖ సాఫ్ట్ వేర్ కంపెనీలో సాఫ్ట్ వేర్ ఇంజనీర్ గా ఉద్యోగం చేస్తున్నాడు. ప్రియురాలిది మంచి సౌండ్ పార్టీ, ప్రియుడి కంటే ఆస్తిలో ప్రియురాలు చాలా ఎక్కువగానే ఉంది. ప్రేమికులు పెళ్లి చేసుకోవాలని అనుకున్నారు. కుటుంబ సభ్యులను ఎదిరించిన ప్రియురాలు టెక్కీ ప్రియుడిని రిజిస్టర్ మ్యారేజ్ చేసుకుంది. లవ్ మ్యారేజ్ చేసుకున్న దంపతులు సంతోషంగా ఉన్నారు. టెక్కీని చితకబాది అతని కళ్ల ముందే పెళ్లికూతురిని కిడ్నాప్ చెయ్యడం కలకలం రేపింది.

ప్రముఖ కంపెనీలో టెక్కీ

తమిళనాడులోని తేన్ కాశిలో మరియప్పన్‌ అనే వ్యక్తి నివాసం ఉంటున్నాడు. తేన్ కాశి జిల్లాలోని ఇలంచి సమీపంలోని కొట్టాకులం ప్రాంతంలో మరియప్పన్ వ్యవసాయం చేయిస్తున్నాడు. మరియప్పన్ కుమారుడు వినీత్ చెన్నైలోని ఓ ప్రముఖ సాఫ్ట్‌వేర్ కంపెనీలో ఉద్యోగం చేస్తున్నాడు. చెన్నైలో ఉంటున్న వినీత్ ఉద్యోగం చేస్తూ వీకెండ్ లో సొంత ఊరికి వచ్చి కుటుంబ సభ్యులు, బంధువులతో కలిసి నివాసం ఉంటున్నాడు.

గుజరాత్ అమ్మాయితో లవ్

గుజరాత్‌కు చెందిన నవీన్ పటేల్ అనే వ్యక్తి గత 20 సంవత్సరాల నుంచి కుదవ దుకాణం అదే ప్రాంతంలో నిర్వహిస్తున్నాడు. వినీత్ సొంత ఊరిలోనే నవీన్ పటేల్ కుటుంబ సభ్యులు నివాసం ఉంటున్నారు. నవీన్ పటేల్ కుమార్తె కృతిక, వినీత్ చదువుకునే రోజుల నుంచి ప్రేమించుకుంటున్నారు. స్కూల్ లో, కాలేజ్ లో కలిసి చదువుకున్న వినీత, కృతిక ఒకరిని ఒకరు గాఢంగా ప్రేమించుకున్నారు.

ఆస్తులు, అంతస్తుల్లో చాలా తేడా

వినీత్ తండ్రి వ్యవసాయం చేస్తుంటే టెక్కీ ప్రియురాలి తండ్రి నవీన్ పటేల్ వడ్డీ వ్యాపారం చేస్తూ జోరుగా డబ్బులు సంపాధిస్తున్నాడు. ప్రేమికులు వినీత, కృతికల ఆస్తులు, అంతస్తుల మధ్య చాలా తేడా ఉంది. అయినా వినీత, కృతిక జీవితాంతం కలిసి జీవించాలని డిసైడ్ అయ్యారు. ఇద్దరి మధ్య రాష్ట్రాలు, కులాలు వేరు చెయ్యలేవని ప్రేమికులు వినీత, కృతిక అనుకున్నారు.

టెక్కీని పెళ్లి చేసుకున్న ప్రియురాలు

వినీత్ తో పెళ్లి చేసుకోవడాకి వీలులేదని కృతికకు ఆమె కుటుంబ సభ్యులు తేల్చి చెప్పారు. కుటుంబ సభ్యులను ఎదిరించిన ప్రియురాలు కృతిక, ఆమె టెక్కీ ప్రియుడు వినీత్ డిసెంబర్ 27వ తేదీన చట్టబద్ధంగా రిజిస్ట్రేషర్ మ్యారేజ్ చేసుకున్నారు. పెళ్లికూతురి కుటుంబానికి వ్యతిరేకంగా వివాహం జరిగిందని, వాళ్లు డబ్బులో చాలా పలుకుడి ఉన్న వ్యక్తులు అని, మాకు రక్షణ కల్పించాలని కోరుతూ వధూవరులు వినీత, కృతిక పోలీసులకు మనవి చేస్తూ కేసు పెట్టారు.

పెళ్లి కొడుకును చితకబాది పెళ్లికూతురు కిడ్నాప్

గురువారం వినీత్ అతని భార్య, తల్లిదండ్రులతో కలిసి తెన్‌కాశీలోని కుతుకల్వలసాయి ప్రాంతంలోని బంధువుల ఇంట్లో భోజనం చెయ్యడానికి వెళ్లారు. ఆ సమయంలో కృతిక కుటుంబ సభ్యులు, ఆమె తండ్రి నవీన్ పటేల్ దగ్గర పని చేస్తున్న వాళ్లు అక్కడికి వెళ్లి టెక్కీ వినీత్ మీద, అతని కుటుంబ సభ్యుల మీద దాడికి దాడికి పాల్పడ్డారు. అక్కడ టెక్కీ వినీత్ కారును ధ్వంసం చేస కృతికను బలవంతంగా ఆమె కుటుంబ సభ్యులు మరో కారులో అక్కడి నుంచి కిడ్నాప్ చేశారు.

నా భార్యను రక్షించండి

నా భార్య కృతిక మీద దాడి చేసి ఆమెకు ఇష్టం లేకుండానే బలవంతంగా తీసుకెళ్లారని, ఈ విషయమై ఫిర్యాదు చేసినా పోలీసులు ఎలాంటి చర్యలు తీసుకోలేదని టెక్కీ వినీత్ ఆరోపిస్తున్నాడు. కిడ్నాప్ కు గురైన కృతిక ప్రాణాలకు ముప్పు ఉందని భయాందోళనకు గురౌతున్న ఆమె భర్త వినీత్ పై పోలీసు అధికారులకు ఫిర్యాదు చేశాడు. తనతో పాటు నా కుటుం సభ్యుల మీద కృతిక కుటుంబ సభ్యులు దాడి చేశారని, వారి మీద చర్యలు తీసుకోవాలని టెక్కీ వినీత్ పోలీసు అధికారులకు మనవి చేశాడు.

అమ్మాయి ఫ్యామిలీ మీద కేసులు

పోలీసు అధికారులు కూడా జోక్యం చేసుకుని నా భార్యను రక్షించాలని వినీత్ మనవి చేశాడు. వినీత్ మీడియాతో మాట్లాడుతూ మేము ప్రేమించి పెళ్లి చేసుకున్నాం. కృతిక నాతో ఉండాలని, మా ఫ్యామిలీ నుంచి మాకు రక్షణ కల్పించాలని ఇప్పటికే పోలీసులకు లేఖ రాసింది. ఇప్పుడు నా భార్యను ఆమె కుటుంబ సభ్యులు తీసుకువెళ్లారు వాళ్లు ఆమెను చంపడానికి ప్రయత్నిస్తున్నారని వినీత్ ఆరోపించాడు.

ఫ్యామిలీలో అందరి మీద కేసులు

వినీత్ ఇచ్చిన ఫిర్యాదు మేరకు కృతిక కుటుంబ సభ్యులు, బంధువులు అయిన నవీన్ పటేల్, ధర్మిష్ట పటేల్, కీర్తీ పటేల్, మైథిక్ సహా మొత్తం 7 మందిపై కేసులు నమోదు చేశామని పోలీసు అధికారులు అంటున్నారు. వరుడు టెక్కీ వినీత్, అతని కుటుంబ సభ్యుల మీద దాడి చేసి యువతికి ఇష్టం లేకున్నా ఆమెను కిడ్నాప్ చెయ్యడం తేన్ కాశిలో కలకలం రేపింది.

English summary

Techy love marriage, the family of the girl who attacked the groom and his family and kidnapped the bride in Tamil Nadu.