జమ్ము కశ్మీర్ లో క్లౌడ్ బరస్ట్.. 12 మందికి పైగా మృతి..!

జమ్ము కశ్మీర్ లో విషాదం నెలకొంది. క్లౌడ్ బరస్ట్ కారణంగా భారీ వరదలు సంభవించాయి. జమ్ము కశ్మీర్ లోని కిష్ట్ వార్ జిల్లా చస్తోటి ప్రాంతంలో వరదలు ముంచెత్తాయి. వరదల్లో 12 మందికి పైగా మృతి చెందినట్లు సమాచారం అందుతోంది. సమాచారం తెలుసుకున్న సహాయక బృందాలు ఘటనా స్థలికి చేరుకుని రెస్క్యూ ఆపరేషన్ ప్రారంభించాయి. చుట్టుపక్కల ప్రదేశాల్లోని ప్రజలను సురక్షిత ప్రాంతాలకు తరలిస్తున్నారు. ఇప్పటివరకు 12 మంది మృతదేహాలు లభ్యం అయ్యాయని అధికారులు తెలిపారు. మరికొంత మంది మృతి చెంది ఉంటారని అధికారులు భావిస్తున్నారు.

చస్తోటి ప్రాంతం మచియాల్ మాతా యాత్రకు స్టార్టింగ్ పాయింట్ కావడంతో భక్తులు అధిక సంఖ్యలో ఈ ప్రదేశంలో ఉంటారు. ప్రతి ఏటా ఈ యాత్ర ఉంటుంది. అయితే ఆకస్మిక వరదల కారణంగా యాత్రను రద్దు చేశారు అధికారులు. ఈ ఘటనపై సీనియర్ సూపరింటెండ్ ఆఫ్ పోలీస్ నరేష్ సింగ్ మాట్లాడుతూ.. కిష్ట్ వార్ జిల్లాలోని చస్తోటి ప్రాంతంలో మచియాల్ మాతా యాత్ర ప్రారంభం అవుతుంది. అక్కడే క్లౌడ్ బరస్ట్ కారణంగా ఆకస్మిక వరదలు సంభవించాయి. ఆ ప్రాంతంలో ప్రస్తుతం సహాయక చర్యలు కొనసాగుతున్నాయి.. అని తెలిపారు.

⚡🚨 Chishoti area of Kishtwar (Jammu division)

Early Reports are coming in of heavy loss of life and property.

DC Kishtwar Confirms 12–15 De@ths in Chositi Cloudburst and many injured. pic.twitter.com/QwPv1wzHPz

— OsintWorld 🍁 (@OsiOsint1) August 14, 2025

మరోవైపు ఇదే ఘటనపై కేంద్రమంత్రి జితేంద్ర సింగ్ కూడా స్పందించారు. చస్తోటి ప్రాంతంలో క్లౌడ్‌ బరస్ట్‌లో భారీగా ప్రాణనష్టం చోటు చేసుకొనే ప్రమాదం ఉందని అభిప్రాయపడ్డారు. అధికారులు తక్షణమే రంగంలోకి దిగారని సహాయక చర్యలను కొనసాగిస్తున్నారని తెలిపారు. జమ్మూ కాశ్మీర్‌ తో పాటు హిమాచల్ ప్రదేశ్‌ లో కూడా క్లౌడ్ బరస్ట్ కారణంతో భారీ వర్షాలు కురుస్తున్నాయని అన్నారు.

ఇక ఇటీవల ఉత్తరాఖండ్‌ లో క్లౌడ్ బరస్ట్ కారణంగా ధరేలీ గ్రామం మొత్తం కొట్టుకొనిపోయిన విషయం తెలిసిందే. వరద ఒక్కసారిగా పై నుంచి రావడంతో డౌన్‌ లో ధరేలీ గ్రామంలోని ఇళ్లు, భవనాలు, హోటళ్లు మొత్తం నేలమట్టం అయ్యాయి. ఈ ప్రమాదంలో అనేక మంది మృతి చెందగా స్థానికంగా ఉన్న ఆర్మీ క్యాంప్ నుంచి 10 మంది జవాన్లు కూడా గల్లంతయ్యారు.