వాట్సప్ ద్వారా వ్యాక్సిన్ స్లాట్ బుకింగ్ .. వ్యాక్సినేషన్ ఇక మరింత ఈజీగా !!
కరోనా వ్యాక్సినేషన్ కార్యక్రమాన్ని మరింత సులభతరం చేసింది కేంద్రం. కోవిన్ యాప్ లో వ్యాక్సిన్ స్లాట్ బుక్ చేసుకోవడానికి వెబ్ పోర్టల్ కు వెళ్లాల్సిన పని లేకుండా, థర్డ్ పార్టీ యాప్ లను వినియోగించాల్సిన అవసరం లేకుండా వాట్సాప్ ద్వారానే ఈ పనిని సులువుగా చేయడానికి కేంద్రం మార్గం సుగమం చేసింది.
వాట్సప్ నంబర్ ద్వారా స్లాట్ బుకింగ్
వారు చేయాల్సిందల్లా వాట్సప్ నంబర్ +91 9013151515 కు 'బుక్ స్లాట్' అని పంపితే చాలు. ఇది ఆన్లైన్ లో వ్యాక్సిన్ స్లాట్ ను నమోదు చేసుకోవడం రాని లబ్ధిదారులకి టీకా స్లాట్లను బుక్ చేసుకోవడం సులభతరం చేస్తుంది. మై గోవ్ కరోనా హెల్ప్డెస్క్ గత సంవత్సరం మార్చి నుండి వాట్సప్లో పనిచేస్తోంది . 41 మిలియన్లకు పైగా వినియోగదారులకు కోవిడ్ సంబంధిత సమాచార వ్యాప్తిలో హెల్ప్డెస్క్ ముందు వరుసలో ఉంది. ఈ నెల ప్రారంభంలో, మై గోవ్ మరియు వాట్సప్ తమ పరిధిని మరింతగా పెంచాయి . వినియోగదారులు చాట్బాట్ నుండి వ్యాక్సిన్ సర్టిఫికెట్లను డౌన్లోడ్ చేసుకోవడానికి వీలు కల్పించారు. ఇప్పటివరకు 32 లక్షల సర్టిఫికెట్లు డౌన్లోడ్ చేయబడ్డాయి.
వాట్సప్ కరోనా హెల్ప్ డెస్క్ ద్వారా సమర్ధవంతంగా పనితీరు
అభిషేక్ సింగ్, సీఈవో మైగోవ్ మాట్లాడుతూ, "సరైన ప్లాట్ఫారమ్ మరియు టెక్నాలజీని కలిపినప్పుడు, ఫలితాలు ఎంతో ప్రయోజనకరంగా ఉంటాయనడానికి ఇది ఒక నిదర్శనం. ప్రారంభించినప్పటి నుండి, MyGov కరోనా హెల్ప్డెస్క్ సమర్థవంతంగా ఉపయోగపడుతుందని వెల్లడించారు. ఇది గో-టు ప్లాట్ఫారమ్గా అభివృద్ధి చెందిందని పేర్కొన్నారు. ఇది పౌరులకు ప్రామాణికమైన కరోనా సంబంధిత సమాచారంతో సహాయపడటమే కాకుండా ఇప్పుడు టీకా బుకింగ్ ప్రక్రియలో వారికి సహాయం చేస్తోంది. టీకా కేంద్రాలు మరియు స్లాట్లను కనుగొనడం మరియు టీకా సర్టిఫికెట్లను డౌన్లోడ్ చేయడం కూడా వాట్సప్ ద్వారా చెయ్యవచ్చు.
ప్రజల ప్రయోజనాల కోసం సేవలను విస్తరిస్తున్నామన్న వాట్సప్
వాట్సాప్లో పబ్లిక్ పాలసీ డైరెక్టర్ శివనాథ్ తుక్రాల్ మాట్లాడుతూ ఇది ప్రామాణికమైన కోవిడ్ సంబంధిత సమాచారాన్ని అందించడం లేదా వ్యాక్సిన్-సర్టిఫికెట్ డౌన్లోడ్లను నిర్వహిస్తుంది. ఇప్పుడు, ప్రజల కోసం టీకా బుకింగ్ ప్రక్రియను వేగవంతం చేయడం మరియు సులభతరం చేయడం కోసం పౌరులకు ప్రయోజనాలను విస్తరించడానికి మేం మా టెక్నాలజీని విస్తరిస్తున్నాం అని వెల్లడించారు . వాట్సాప్లో మైగోవ్ హెల్ప్డెస్క్పై స్లాట్ను ఎలా బుక్ చేసుకోవాలి అంటే హెల్ప్డెస్క్లో ఎవరైనా కోవిడ్ -19 వ్యాక్సిన్ స్లాట్లను బుక్ చేసుకోవటానికి ముందుగా, మీ ఫోన్లో వాట్సప్ నంబర్ +91 9013151515 ని సేవ్ చేయండి.
వాట్సప్ లో వ్యాక్సిన్ స్లాట్ బుకింగ్ ప్రాసెస్ ఇలా
అది వాట్సాప్లో చూపబడిన తర్వాత, ఆ నంబర్పై 'బుక్ స్లాట్' అని పంపండి . అది పూర్తి చేసినప్పుడు, 6 అంకెల వన్-టైమ్ పాస్వర్డ్ మొబైల్ నంబర్లో జనరేట్ అవుతుంది. దానిని ఎంటర్ చేసి మీ స్లాట్ బుక్ చేసుకోవాలి . అందులో వచ్చే ఆప్షన్లను బట్టి మీరు మొదటి డోసు తీసుకుంటున్నారా, రెండో డోసు తీసుకుంటున్నారా ? అన్నది ఎంచుకుని మీకు నచ్చిన తేదీ మరియు స్థానాన్ని ఎంచుకుని ఓకే చేస్తే సరిపోతుంది. వినియోగదారులు వారి కేంద్రం మరియు తేదీ యొక్క నిర్ధారణను అందులోనే పొందుతారు. ఇక వాట్సప్ ద్వారా వ్యాక్సిన్ స్లాట్ బుక్ చేసుకోవడమే కాకుండా, కరోనా కు సంబంధించిన ఇతర సమాచారాన్ని కూడా తెలుసుకునే వీలుంటుంది.
Click it and Unblock the Notifications
Sign in with Google