దేశం గర్వించే బాల వీరులు.. 2025 బాల పురస్కార విజేతలు వీరే!

Veer Bal Diwas 2025: నేడు(డిసెంబర్ 26, 2025) 'వీర బాల దివస్' సందర్భంగా రాష్ట్రపతి ద్రౌపది ముర్ము 'ప్రధానమంత్రి రాష్ట్రీయ బాల పురస్కార్ 2025' అవార్డులను ప్రదానం చేశారు. దేశవ్యాప్తంగా వివిధ రంగాల్లో అసాధారణ ప్రతిభ కనబరిచిన 20 మంది చిన్నారులను ఈ గౌరవం వరించింది. వీరిలో ఇద్దరు చిన్నారులకు వారి ప్రాణాలను పణంగా పెట్టి ఇతరులను రక్షించినందుకు గానూ మరణానంతర పురస్కారాలు లభించాయి. ఈ సందర్భంగా ప్రధాని నరేంద్ర మోదీ అవార్డు గ్రహీతలను ఉద్దేశించి ప్రసంగిస్తూ వారి ధైర్యసాహసాలను కొనియాడారు.

పురస్కార గ్రహీతల వివరాలు, వారి సాహసగాథలు ఇవే:
1.బ్యోమా (మరణానంతరం) -తమిళనాడు(సాహసం)- కరెంట్ షాక్ తగులుతున్న 6 ఏళ్ల బాబును కాపాడుతూ తన ప్రాణాలు కోల్పోయింది.

2.కమలేష్ (మరణానంతరం)-బీహార్(సాహసం) -దుర్గావతి నదిలో మునిగిపోతున్న చిన్నారిని రక్షిస్తూ ప్రాణత్యాగం చేశాడు.

3. వైభవ్ సూర్యవంశీ- బీహార్(క్రీడలు)-14 ఏళ్ల వయసులోనే క్రికెట్‌లో రికార్డులు సృష్టించిన అద్భుత ప్రతిభాశాలి.

4. మహ్మద్ సిద్దన్- కేరళ(సాహసం) -విద్యుత్ షాక్ నుంచి తన ఇద్దరు స్నేహితులను ప్రాణాలతో కాపాడాడు.

5.అజయ్ రాజ్-ఉత్తరప్రదేశ్(సాహసం)-తండ్రిని పట్టుకున్న మొసలిపై ధైర్యంగా దాడి చేసి ఆయన ప్రాణాలను కాపాడాడు.

6. శ్రవణ్ -పంజాబ్(సామాజిక సేవ) -'ఆపరేషన్ సిందూర్' సమయంలో జవాన్లకు నిరంతరం సేవలు అందించాడు.

7. శివాని హోస్రు ఉప్పర -ఆంధ్రప్రదేశ్(క్రీడలు)- పారా అథ్లెటిక్స్‌లో అద్భుత ప్రతిభ కనబరిచినందుకు ఈ అవార్డు దక్కింది.

8.అనుష్క-జార్ఖండ్(క్రీడలు)-ఫుట్‌బాల్ క్రీడలో రాణిస్తున్నందుకు గౌరవించబడ్డారు.

9.వాకా లక్ష్మి ప్రజ్ఞిక- గుజరాత్(క్రీడలు)-ప్రపంచ చెస్ ఛాంపియన్‌షిప్‌లో 9కి 9 రౌండ్లు గెలిచి రికార్డు సృష్టించింది.

10. యోగితా మాండవి-ఛత్తీస్‌గఢ్(క్రీడలు)-నక్సల్స్ ప్రభావిత ప్రాంతం నుంచి వచ్చి జూడోలో నేషనల్ ప్లేయర్‌గా ఎదిగింది.

11.సుమన్ సర్కార్ -పశ్చిమ బెంగాల్(కళ-సంస్కృతి)-తబలా వాద్యకారుడిగా అంతర్జాతీయ స్థాయిలో 43 పురస్కారాలు గెలుచుకున్నారు.

12. వంశ్-చండీగఢ్(సామాజిక సేవ) -నిరంతరం సమాజ సేవలో పాల్గొంటున్నందుకు గుర్తింపు.

13.పూజ-ఉత్తరప్రదేశ్(ఆవిష్కరణ)- కాలుష్యాన్ని నివారించేలా ప్రత్యేకమైన త్రెషర్ మిషన్‌ను రూపొందించింది.

14. అర్ణవ్ మహర్షి-మహారాష్ట్ర(సైన్స్ & ఇన్నోవేషన్)-కేంద్ర ప్రభుత్వం పేటెంట్ పొందిన ప్రత్యేక AI సాఫ్ట్‌వేర్‌ను అభివృద్ధి చేశాడు.

15.ఎస్తేర్ లాల్దుహవ్మి-మిజోరం(కళ-సంస్కృతి)-20 మిలియన్ల ఫాలోవర్లు ఉన్న చిన్నారి యూట్యూబర్, గాయని.

16.ఐషీ ప్రిషా బోరా -అస్సాం (పర్యావరణం)- విద్యుత్ అవసరం లేని పెన్సిల్ తయారీ మెషీన్, వాటర్ రీసైక్లింగ్ సిస్టమ్ తయారు చేసింది.

ముఖ్య విశేషాలు:
వీర బాల దివస్: సిక్కుల పదో గురువు గోవింద్ సింగ్ నలుగురు కుమారుల (సాహిబ్జాదాలు) త్యాగాలకు గుర్తుగా ప్రతి ఏడాది డిసెంబర్ 26న ఈ దినోత్సవాన్ని జరుపుకుంటారు. సాహసం, కళ, సంస్కృతి, సైన్స్, పర్యావరణం, సామాజిక సేవ, క్రీడలు అనే 6 విభాగాల్లో ఈ అవార్డులు అందించారు. 18 రాష్ట్రాలు, కేంద్రపాలిత ప్రాంతాల నుంచి 20 మంది చిన్నారులు ఎంపికయ్యారు.

English summary

On Veer Bal Diwas 2025, President Droupadi Murmu presents the Rashtriya Bal Puraskar Awards to 20 children for their exceptional bravery, talent, and contributions in various fields.