షాకింగ్: తమిళనాట గాల్లోకి ఎగిరే పాము (వీడియో)
చెన్నై: తమిళనాడులోని కోయంబత్తూరు ప్రాంతంలో ఓ అరుదైన ఎగిరే పామును గుర్తించారు. కాలంపలయం గ్రామానికి చెందిన వెంకటేషన్ అనే రైతు తన వ్యవసాయ భూమిలో పని చేస్తుండగా ఓ చెట్టు మీద నుంచి మరో చెట్టు మీదకు ఆహారం కోసం గాల్లోకి ఎగురుతున్న పామును గుర్తించాడు.
దీంతో ఆశ్చర్యపోయిన అతను స్థానికంగా ఉన్న పాములు పట్టే వారికి సమాచారం ఇచ్చాడు. పామును అటవీ శాఖ అధికారులకు అప్పగించారు. వారు దానిని పరిశీలించారు. ఆ పాము అరుదైన క్రిసోపోలియా రకానికి చెందినదిగా గుర్తించారు.
వియత్నాం, కంబోడియా వంటి దేశాల్లో ఇలాంటి పాములు కనిపిస్తాయని చెబుతున్నారు. బూడిద రంగులో ఉన్న ఈ పాము, నల్లటి మచ్చలతో ఉంది. ఒకేసారి 20 ఫీట్ల దూరం వరకు గాలిలోకి ఎగురుతుంది. అటవీ శాఖ అధికారులు దీనిని పుతుపతి అటవీ ప్రాంతంలో వదిలేశారు.
Click it and Unblock the Notifications
Sign in with Google