ఉద్యోగాల వెంట పరుగులు తీయొద్దు: మోహన్ భగవత్‌పై కపిల్ సిబల్ ఫైర్, మోడీ హామీలెక్కడ?

ఉద్యోగాల వెంట యువత పరుగులు తీయొద్దంటూ ఇటీవల రాష్ట్రీయ స్వయంసేవక్(ఆర్ఎస్ఎస్) చీఫ్ మోహన్ భగవత్ వ్యాఖ్యలపై రాజ్యసభ ఎంపీ కపిల్ సిబల్ తీవ్రస్థాయిలో మండిపడ్డారు.

న్యూఢిల్లీ: ఉద్యోగాల వెంట యువత పరుగులు తీయొద్దంటూ ఇటీవల రాష్ట్రీయ స్వయంసేవక్(ఆర్ఎస్ఎస్) చీఫ్ మోహన్ భగవత్ వ్యాఖ్యలపై రాజ్యసభ ఎంపీ కపిల్ సిబల్ తీవ్రస్థాయిలో మండిపడ్డారు. ఈ సందర్భంగా ప్రధాని నరేంద్ర మోడీ ఇచ్చిన హామీలేమయ్యాయని నిలదీశారు. ఏడాదికి రెండు కోట్ల ఉద్యోగాలిస్తానని ప్రధాని చెప్పారుగా అని ప్రశ్నించారు.

దేశంలో డిగ్నిటీ ఆఫ్ లేబర్ అనేది కొరవడినందునే నిరుద్యోగితకు ఓ కారణమని ఆర్ఎస్ఎస్ చీఫ్ మోహన్ భగవత్ ఆదివారం వ్యాఖ్యానించారు. ఎవరు ఏ వృత్తి, పని చేసినా.. వారిని గౌరవించాలని ఆయన కోరారు. ఈ సందర్బంగానే ఉద్యోగాల వెంట పరుగులు తీయొద్దని మోహన్ భగవత్ సూచించారు.

ముంబైలో నిర్వహించిన ఓ బహిరంగ సభలో మోహన్ భగవత్ మాట్లాడుతూ.. ప్రజలు చేసే పని చిన్నదైనా.. పెద్దదైనా.. వారికి తగిన గౌరవం ఇవ్వాలని కోరారు. ఎందుకంటే ఏ పని అయినా.. సమాజం కోసమేనని చెప్పారు.

Mohan Bhagwat

Don’t “chase government jobs”

Where are the private jobs Bhagwat ji ?

And what about the 2crore jobs a year that Modiji promised !

— Kapil Sibal (@KapilSibal) February 6, 2023

ఈ నేపథ్యంలోనే కపిల్ సిబల్.. మోహన్ భగవత్ చేసిన వ్యాఖ్యలపై స్పందించారు. ప్రభుత్వ ఉద్యోగాలు వెంట పరుగెత్తవద్దంటే.. మరి ప్రైవేటు ఉద్యోగాలు ఎక్కడ? అని ఆయన ప్రశ్నించారు. అంతేగాక, ఏడాదికి రెండు కోట్ల ఉద్యోగాలు ఇస్తామన్న ప్రధాని నరేంద్ర మోడీ హామీ ఏమైందని నిలదీశారు మాజీ కేంద్రమంత్రి కపిల్ సిబల్.

English summary

'What about Modi's promise?': Kapil Sibal slams at Bhagwat's job remarks.