భారత్‌లో బ్లాస్టింగ్స్ అన్నీ ఆ సమయంలోనే.. కారణం ఇదేనా ???

Published: Wednesday, November 12, 2025, 12:25 [IST]

భారత్‌లో ఇటీవల చోటుచేసుకుంటున్న వరుస పేలుడు ఘటనలు ప్రజలను తీవ్ర భయాందోళనకు గురిచేస్తున్నాయి. లేటెస్ట్ గా ఢిల్లీలోని ఎర్రకోట మెట్రో స్టేషన్ సమీపంలో సోమవారం సాయంత్రం జరిగిన ఈ పేలుడులో సుమారు 12 మంది మరణించగా.. 20 మందికి పైగా గాయపడ్డారు. ఈ పేలుడుకు ప్రధాన సూత్రధారిగా భావిస్తున్న డా. ఉమర్ మహ్మద్ తన సహచరులు అరెస్ట్ కావడంతో భయాందోళనకు గురై ఈ ఆత్మాహుతి దాడికి పాల్పడి ఉండొచ్చని అధికారులు అనుమానిస్తున్నారు.

అంతే కాకుండా ఈ ఘటనకు ఫరీదాబాద్‌లో భగ్నం చేసిన ఉగ్రకుట్రతో ముడిపడి ఉన్నట్లు భద్రతా దర్యాప్తు సంస్థలు వెల్లడించాయి. ఫరీదాబాద్‌లోని తన సహచరులు డా. ముజామిల్ షకీల్, డా. ఆదీల్ అహ్మద్ రథర్ అరెస్టు కావడంతో ఉమర్ భయాందోళనకు గురై ఈ ఘటనకు పాల్పడినట్టు భావిస్తున్నారు. తన వద్ద ఉన్న పేలుడు పదార్థాలపై ఆందోళన చెంది తాను కూడా పట్టుబడతాననే భయంతో ఆత్మహుతి దాడికి పాల్పడి ఉండొచ్చని దర్యాప్తు సంస్థలు పేర్కొంటున్నాయి.

why-all-the-blasts-in-india-happened-at-that-time-of-6pm-to-7pm

కాగా సంఘటన జరిగిన సమయంలో అసంపూర్తిగా ఉన్న ఐఈడీ బాంబును మరోచోటుకు తరలిస్తుండగా లేదా దానిని రోడ్డుపై విసిరేసే ప్రయత్నంలో ఈ ప్రమాదం జరిగినట్లు చెబుతున్నారు. పేలుడుకు అమ్మోనియం నైట్రేట్ ఫ్యూయల్ ఆయిల్, డిటోనేటర్లను ఉపయోగించినట్లు అధికారులు గుర్తించారు. ప్రస్తుతం డా. ఉమర్ మృతదేహాన్ని ధృవీకరించడానికి డీఎన్ఏ పరీక్షలు నిర్వహిస్తున్నారు.

అయితే ఈ వరుస పేలుళ్ల ఘటనల్లో మాత్రం పరిశీలించాల్సిన విషయం ఏంటంటే సమయం అనే చెప్పాలి. గత ఘటనలు, తాజాగా జరిగిన పేలుడు లను పరిశీలిస్తే సాయంత్రం సమయంలోనే ఈ దుర్గతనలు ఎక్కువగా చోటు చేసుకున్నట్టు స్పష్టం అవుతోంది. గత రెండు దశాబ్దాలుగా ఉగ్రవాద దాడులను పరిశీలిస్తే.. చాలావరకు పేలుళ్లు సాయంత్రం 6 నుండి 7 గంటల మధ్యే జరిగాయి. ఇప్పుడు ఢిల్లీ కారు బాంబు దాడిలో కూడా నిందితుడు మధ్యాహ్నం నిర్దేశించిన ప్రాంతానికి చేరుకున్నప్పటికీ.. సాయంత్రం వరకు వేచి చూసి ఘటనకు పాల్పడినట్టు స్పష్టం అవుతోంది.

కారణం ఇదే..?

అయితే ఈ దాడుల వెనుక ప్రధానంగా భారీ విధ్వంసం సృష్టించడం, ప్రజల్లో భయాన్ని కలిగించడం, ప్రభుత్వాలను బలహీనపరచడం, మీడియా, అంతర్జాతీయ దృష్టిని ఆకర్షించడమే వారి లక్ష్యంగా కనిపిస్తోంది. ఎక్కువ మంది మరణించినప్పుడే ప్రభావం ఎక్కువగా ఉంటుందని.. అందుకోసం సాయంత్రం 6 నుండి 7 గంటల సమయం వారికి అనుకూలమైనదిగా ఎంచుకుంటున్నట్టు అనుమానిస్తున్నారు. ఆ సమయంలోనే ఉద్యోగులు, విద్యార్థులు తమ ఇళ్లకు తిరిగి వస్తుండడం, ఇళ్లలోని వారు బయటకు రావడం కూడా జరుగుతుంది. ప్రధాన కూడళ్లు, మార్కెట్లు, మాల్స్ వంటి రద్దీ ప్రదేశాలు సైతం ఆ సమయంలోనే జనసందోహంతో నిండి ఉండడం కూడా ఈ పన్నాగానికి ఉపకరిస్తున్నాయి.

అంతే కాకుండా చీకటి పడుతున్న తరుణంలో సీసీ కెమెరాల నుంచి కూడా తప్పించుకునే ఛాన్స్ ఉంటుంది. ట్రాఫిక్ ఎక్కువగా ఉండటం వల్ల పోలీసులు వాహనాల తనిఖీలు చేయడానికి అవకాశం తక్కువ ఉంటుంది. ఈ అంశాలన్నీ ఉగ్రవాదులకు తమ దాడులను అమలు చేయడానికి అనుకూలంగా మారుతున్నట్టు అభిప్రాయం వ్యక్తం చేస్తున్నాయి.

భారత్‌లో సాయంత్రం వేళల్లో జరిగిన ప్రధాన పేలుళ్ల వివరాలు..