"అమెరికాకు భారత్ కావాల్సిన దేశం.. భారత్ కు ట్రంప్.."

భారత్ పై అమెరికా రాయబారి సెర్గియో గోర్‌ కీలక వ్యాఖ్యలు చేశారు. అమెరికాకు భారత్ కంటే కావాల్సిన దేశం మరోటి లేదన్నారు. భారత్‌ తో ఉన్న బంధాన్ని తమ దేశం ఎంతో విలువైనదిగా భావిస్తోందని ఆయన స్పష్టం చేశారు. అమెరికా అధ్యక్షుడు ట్రంప్ భారత్ లో వచ్చే ఏడాదిలో పర్యటించే అవకాశం ఉన్నట్లు తెలిపారు. దిల్లీలోని అమెరికా దౌత్య కార్యాలయంలో ఈ మేరకు గోర్ ఈ వ్యాఖ్యలు చేశారు. జనవరి 12 నుంచి భారత్- అమెరికా మధ్య చర్చలు తిరిగి ప్రారంభం కానున్నట్లు గోర్ పేర్కొన్నారు. ఆయన భారత్ లో అమెరికా రాయబారిగా సోమవారం బాధ్యతలు చేపట్టారు.

భారత్- అమెరికా వాణిజ్య సంబంధంపై అమెరికా రాయబారి సెర్గియో గోర్‌ కీలక వ్యాఖ్యలు చేశారు. భారత్- అమెరికా మధ్య వాణిజ్య చర్చలు జనవరి 12 నుంచి ప్రారంభం కానున్నట్లు తెలిపారు. అమెరికాకు భారత్ ఎంతో అవసరమైన దేశం అని గోర్ పేర్కొన్నారు. అమెరికా అధ్యక్షుడు ట్రంప్.. వచ్చే ఏడాదిలో భారత్ లో పర్యటించే అవకాశం ఉందని స్పష్టం చేశారు. ఈ మేరకు దిల్లీలోని అమెరికా దౌత్య కార్యాలయంలో మాట్లాడుతూ.. భారత ప్రధాని నరేంద్ర మోదీ, అమెరికా అధ్యక్షుడు ట్రంప్ మధ్య ఉన్న స్నేహం 'రియల్' అని అభివర్ణించారు. రియల్ ఫ్రెండ్స్ తమ మధ్య ఉన్న సమస్యలను పరిష్కరించుకుంటారని పేర్కొన్నారు.

భారత్- అమెరికా మధ్య వాణిజ్య సంబంధాలు ఎంతో ముఖ్యమైనవిగా అమెరికా రాయబారి సెర్గియో గోర్‌ పేర్కొన్నారు. అలాగే భద్రత, కౌంటర్- టెర్రరిజం, ఎనర్జీ, టెక్నాలజీ, ఎడ్యూకేషన్, హెల్త్ అంశాల్లోనూ ఇరు దేశాలు కలిసి ముందుకు సాగాలని కోరుకుంటున్నట్లు తెలిపారు. తాను అమెరికా అధ్యక్షుడు ట్రంప్ తో కలిసి అన్ని దేశాల్లో పర్యటించానని.. ప్రధాని మోదీతో ట్రంప్ కు ఉన్న స్నేహం రియల్ అని పేర్కొన్నారు. ట్రంప్ వచ్చే ఏడాది భారత్ లో పర్యటించే అవకాశం ఉన్నట్లు గోర్ స్పష్టం చేశారు. అలాగే పాక్స్ సిలికా అలియాన్స్ లో భారత్ సభ్య దేశంగా ఉండబోతుందని గోర్ తెలిపారు. పాక్స్ సిలికా అలియాన్స్ లో భారత్ వచ్చే నెలలో భాగస్వామ్యం కాబోతుందని పేర్కొన్నారు.