ఆ తెల్ల ఏనుగుల్ని మోడీకి ట్రంప్ అంటగట్టేశారా ? యూఎస్ లో షాకింగ్ రిపోర్ట్స్.!
భారత ప్రధాని నరేంద్ర మోడీ తాజాగా అమెరికాలో పర్యటించారు. అధ్యక్షుడు డొనాల్డ్ ట్రంప్ తో భేటీ అయ్యారు. ఈ భేటీలో పలు కీలక అంశాలు చర్చకు వచ్చాయి. పలు వాణిజ్య అంశాలతో పాటు వలసలు, పరస్పర పన్నుల విధింపు వంటి అంశాలు ఇందులో ఉన్నాయి. వీటితో పాటు అమెరికాకు చెందిన ఐదో తరం ఎఫ్ 35 యుద్ధ విమానాలను భారత్ కు విక్రయించే ఒప్పందం కూడా కుదిరింది. దీంతో భారత్ కు అగ్రరాజ్యం తమ అమ్ముల పొదిలో ఉన్న కీలక అస్త్రాన్ని ఇచ్చేస్తుందన్న ప్రచారం జరిగింది.
లక్ష్యాల్ని చేరుకోని ఎఫ్ 35లు
అయితే అమెరికాలోనే తాజా నివేదికలు ఈ ప్రచారాన్ని తోసిపుచ్చుతున్నాయి. ఎఫ్ 35 యుద్ధవిమానాలు అద్భుతం అనే ప్రచారాన్ని కొట్టిపారేస్తున్న ఆ నివేదికలు... వాటి పరిస్ధితి ఎలా ఉందో కళ్లకు కట్టినట్లు వివరిస్తున్నాయి. అమెరికా ప్రభుత్వానికి చెందిన గవర్నమెంట్ అకౌంటబిలిటీ ఆఫీస్ ప్రకారం, ఎఫ్ 35 విమానాల లభ్యత గత ఐదేళ్లలో గణనీయంగా తగ్గుముఖం పట్టిందని తెలుస్తోంది. అలాగే విమానం యొక్క వేరియంట్లు ఏవీ (ఎఫ్-35ఏ, ఏ-35బీ, ఎఫ్-35సీ లక్ష్యాలను చేరుకోవడం లేదని తేలింది.
ఎఫ్ 35లపై రిపోర్ట్
అమెరికా కాంగ్రెస్ కోసం ఆడిటింగ్, మూల్యాంకనం, పరిశోధనాత్మక సేవలను అందించే శాసన శాఖలోని ఒక స్వతంత్ర ఈ గవర్నమెంట్ అకౌంటబిలిటీ ఆఫీస్. ఇది ఓ నిష్పక్షపాత ప్రభుత్వ సంస్థ. అలాగే అమెరికా ప్రభుత్వ అత్యున్నత ఆడిట్ సంస్థ కూడా. దీన్ని కాంగ్రెస్ వాచ్డాగ్ గా కూడా పిలుస్తారు. ఈ ఏజెన్సీకి అమెరికా కంప్ట్రోలర్ జనరల్ నాయకత్వం వహిస్తారు. కంప్ట్రోలర్ జనరల్ను సెనేట్ సలహా, సమ్మతితో అధ్యక్షుడు నియమిస్తారు. అలా గతేడాది ఈ సంస్ధ విడుదల చేసిన ఎఫ్ 35 నివేదికలో షాకింగ్ అంశాలు వెలుగుచూసాయి.
తగ్గుతున్న ఎఫ్ 35 వాడకం
ఇందులో ఎఫ్ 35 విమానాల నిర్వహణ ఖర్చులు పెరుగుతున్నాయని, అయినా అమెరికా రక్షణశాఖ ప్రస్తుతం 630 ఎఫ్ 35లను కలిగి ఉందని, అలాగే 2088 నాటికి మరో 1800 విమానాలు కొనుగోలు చేసేందుకు ప్రయత్నిస్తున్నట్లు ఈ రిపోర్ట్ వెల్లడించింది.
అయితే 35 విమానాలను నిలబెట్టడానికి రక్షణశాఖ అంచనా వేసిన ఖర్చులు పెరుగుతూనే ఉన్నాయి. 2018లో 1.1 ట్రిలియన్ డాలర్ల నుండి 2023లో 1.58 ట్రిలియన్ డాలర్లకు పెరిగినా విమానంలో విశ్వసనీయత సమస్యల కారణంగా వాస్తవానికి అంచనా వేసిన దానికంటే తక్కువగా విమానాలను నడపాలని యోచిస్తోంది. ఎఫ్-35 తన మిషన్ను నిర్వహించగల సామర్థ్యం కూడా గత 5 సంవత్సరాలలో అధోముఖంగా ఉంది.
రిపోర్ట్ లో ఏముంది ?
ఎఫ్-35 లైట్నింగ్ 2 ఎయిర్క్రాఫ్ట్ డిపార్ట్మెంట్ ఆఫ్ డిఫెన్స్ అత్యంత ప్రతిష్టాత్మకమైన, ఖరీదైన ఆయుధ వ్యవస్థ. అలాగే ఇది అత్యంత అధునాతన యుద్ధ విమానం.రక్షణశాఖ యొక్క ఎఫ్-35 ప్రణాళికాబద్ధమైన ఉపయోగం, దాని లభ్యత తగ్గింది. ఎయిర్ ఫోర్స్, నేవీ, మెరైన్ కార్ప్స్ ప్రాజెక్ట్ ఎఫ్-35ని వార్షిక ప్రాతిపదికన అంచనా వేసిన దాని కంటే తక్కువగా ఎగురవేస్తున్నారు. అలాగే వైమానిక దళం, నౌకాదళం, మెరైన్ కార్ప్స్ తమ స్థోమత లక్ష్యాలను చేరుకోవడంలో పురోగతి సాధించాయి.
తెల్లఏనుగుల్లా ఎఫ్ 35లు
అమెరికా రక్షణశాఖ పరిధిలోకి వచ్చే వైమానిక దళం ఒక వ్యక్తిగత విమానాన్ని ఆపరేట్ చేయడానికి, నిలబెట్టడానికి సంవత్సరానికి 6.6 మిలియన్ డాలర్లు చెల్లిస్తుందని అంచనా వేసింది. ఇది 4.1 మిలియన్ డాలర్ల అసలు లక్ష్యం కంటే చాలా ఎక్కువగా కొనసాగుతోంది. జూన్ 2023లో వైమానిక దళం ఎఫ్ 35 విమానానికి ఖర్చు చేయగల డబ్బు మొత్తాన్ని సంవత్సరానికి 6.8 మిలియన్లకు పెంచింది. రక్షణశాఖ వ్యయ పొదుపు ప్రయత్నాలను కొనసాగించింది. అలాగే ఖర్చులను తగ్గించుకోవడానికి కొత్త మార్గాలను అన్వేషిస్తోంది. అయితే అధికారులు సాధారణంగా ఈ ప్రయత్నాలు విమానాన్ని నడపడానికి అంచనా వేసిన ఖర్చులను ప్రాథమికంగా మార్చే అవకాశం లేదని అంగీకరిస్తున్నారు.
Click it and Unblock the Notifications
Sign in with Google