Plane crashed: ఆఫ్ఘనిస్థాన్‌లో ‍ కూలిపోయిన భారత విమానం..!

భారత్ కు చెందిన ఓ విమానం ఆఫ్ఘనిస్థాన్‌లో ‍ కూలిపోయింది. ఉత్తర ఆఫ్ఘనిస్తాన్‌లోని బదక్షన్ ప్రావిన్స్‌లో శనివారం రాత్రి ఒక విమానం కూలిపోయిందని స్థానిక పోలీసు అధికారులను ఉటంకిస్తూ రాయిటర్స్ నివేదించింది. ఈ ఘటన ఓ మారుమూల పర్వత ప్రాంతంలో చోటుచేసుకుంది. ఆఫ్ఘనిస్తాన్ పర్వతాలలో కూలిపోయిన విమానం భారత్ షెడ్యూల్ చేసిన విమానం లేదా నాన్ షెడ్యూల్డ్ (NSOP)/చార్టర్ విమానం కాదని కేంద్ర పౌర విమానయాన మంత్రిత్వ శాఖ స్పష్టం చేసింది.

"విమానం మొరాకో-నమోదిత DF-10 విమానం, ఇది కురాన్-ముంజన్, బదక్షన్ ప్రావిన్స్‌లోని జిబాక్ జిల్లాలతో పాటు తోప్‌ఖానా పర్వతాలలో కూలిపోయింది" అని సీనియర్ డైరెక్టరేట్ జనరల్ ఆఫ్ సివిల్ ఏవియేషన్ (DGCA) పేర్కొంది. విమానం రకాన్ని, మృతుల సంఖ్యను స్థానిక అధికార యంత్రాంగం ఇంకా అధికారికంగా నిర్ధారించాల్సి ఉంది. ఘటనపై విచారణకు బృందాన్ని ఆ ప్రాంతానికి పంపినట్లు అధికారులు పేర్కొన్నారు.

ఇదిలా ఉండగా శనివారం సాయంత్రం ఆఫ్ఘనిస్తాన్ మీదుగా ఆరుగురు ప్రయాణికులతో వెళుతున్న రష్యా-రిజిస్టర్డ్ విమానంతో తమకు సంబంధాలు తెగిపోయాయని రష్యా ఏవియేషన్ అధికారులు తెలిపారు. ఆ విమానం ఫ్రెంచ్‌లో తయారైన డస్సాల్ట్ ఫాల్కన్ 10 జెట్. ఈ విమానం భారత్ నుంచి ఉజ్బెకిస్థాన్ మీదుగా మాస్కోకు చార్టర్ ఫ్లైట్ అని రాయిటర్స్ పేర్కొంది.

ఆ విమానం థాయ్‌లాండ్‌ నుంచి మాస్కోకు వెళ్తున్న ఎయిర్‌ అంబులెన్స్‌ అని కేంద్ర మంత్రిత్వ శాఖ స్పష్టం చేసింది. అయితే, ఇంధనం నింపుకోవడం కోసం విమానం గయా విమానాశ్రయంలో దిగినట్లు మంత్రిత్వ శాఖ వివరించింది.

English summary

Afghan media revealed that an Indian plane bound for Moscow crashed on January 20 in Wakhan area of Badakhshan.