Russia-Ukraine Crisis : పుతిన్ ఓ యుద్ధ నేరస్తుడు-యూఎస్ సెనేట్ ఏకగ్రీవ తీర్మానం

ఉక్రెయిన్ పై రష్యా దండయాత్ర కొనసాగుతున్న నేపథ్యంలో దీనికి కారణమైన రష్యా అధినేత పుతిన్ ను యుద్ధ నేరస్తుడిగా ప్రకటిస్తూ యూఎస్ సెనేట్ ఇవాళ ఓ తీర్మానం ఆమోదించింది. ఉక్రెయిన్ లో ఆయన యుద్ధ నేరాల్ని తప్పుబడుతూ యూఎస్ సెనేట్ ఈ తీర్మానం ఏకగ్రీవంగా ఆమోదం తెలిపింది. దీంతో అంతర్జాతీయంగా పుతిన్ పై మరింత ఒత్తిడి పెరుగుతుందని బైడెన్ సర్కార్ భావిస్తోంది.

పలు విషయాల్లో పరస్పరం విభేదించే యూఎస్ సెనేట్ సభ్యులు. రష్యా అధ్యక్షుడు వ్లాదిమిర్ పుతిన్‌ను యుద్ధ నేరస్థుడిగా ఖండిస్తూ అమెరికా సెనేట్ లో ప్రవేశపెట్టిన తీర్మానంపై మాత్రం ఐక్యత ప్రదర్శించారు. రిపబ్లికన్ సెనేటర్ లిండ్సే గ్రాహం ప్రవేశపెట్టిన తీర్మానం, రెండు పార్టీల సెనేటర్‌ల మద్దతుతో, ఉక్రెయిన్‌పై రష్యా దాడి చేసిన సమయంలో జరిగిన యుద్ధ నేరాలకు సంబంధించిన ఏదైనా దర్యాప్తులో రష్యా సైన్యాన్ని లక్ష్యంగా చేసుకోవడానికి హేగ్, ఇతర దేశాలలోని అంతర్జాతీయ క్రిమినల్ కోర్ట్ ను ప్రోత్సహించేలా ఉంది.

ఉక్రెయిన్ ప్రజలపై జరిగిన అకృత్యాలకు వ్లాదిమిర్ పుతిన్ జవాబుదారీతనం నుంచి తప్పించుకోలేడని చెప్పడానికి ఈ ఛాంబర్‌లోని మేమంతా డెమొక్రాట్లు, రిపబ్లికన్‌లతో కలిసి చేరామని డెమొక్రాటిక్ సెనేట్ మెజారిటీ నాయకుడు చక్ షుమెర్ సెనేట్ ఫ్లోర్‌లో తన ప్రసంగం సందర్భంగా వెల్లడించారు. రష్యా తన చర్యలను ఉక్రెయిన్‌ను సైన్యాన్ని నిర్వీర్యం చేయడానికి, నిర్మూలించడానికి చేపట్టిన ప్రత్యేక సైనిక చర్యగా పేర్కొంది. పుతిన్ దేశాన్ని ఒక తోలుబొమ్మ పాలనతో, స్వతంత్ర రాజ్యాధికారం లేని యుఎస్ కాలనీగా అభివర్ణించినట్లు ఈ తీర్మానంలో పేర్కొన్నారు. ఫిబ్రవరి 24న ప్రారంభమైన రష్యా దండయాత్ర తర్వాత రష్యా ఉక్రెయిన్ లోని 10 అతిపెద్ద నగరాల్లో దేనినీ స్వాధీనం చేసుకోలేదని, ఇది 1945 తర్వాత యూరోపియన్ దేశంపై జరిగిన అతిపెద్ద దాడిగా ఈ తీర్మానం అభివర్ణించింది.

English summary

us senate on today passed an unanimous resolution against russian president vladimir putin for his crimes in ukraine.