US Green Card: గ్రీన్ కార్డులపై ట్రంప్ కీలక నిర్ణయం..! ఇకపై ఇలా..!

అమెరికాలో గ్రీన్ కార్డు (Green Card) కోసం దరఖాస్తు చేసుకుంటున్న వారికి అక్కడి ట్రంప్ సర్కార్ గుడ్ న్యూస్ చెప్పింది. తాజాగా తమ దేశంలో ఉంటూ గ్రీన్ కార్డు దరఖాస్తు చేసుకునేందుకు వీల్లేదని ఉత్తర్వులు ఇచ్చిన ప్రభుత్వం ఇప్పుడు వాటని వెనక్కి తీసుకుంది. అమెరికాలో శాశ్వత నివాసం కోసం దరఖాస్తు చేసుకున్న గ్రీన్ కార్డ్ వలసదారులు, వారి అప్లికేషన్లు ప్రాసెస్‌లో ఉన్నప్పుడు దేశం విడిచి వెళ్ళనవసరం లేదని డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (DHS) స్పష్టం చేసింది.

మే 21న USCIS విడుదల చేసిన విధాన మెమోపై తలెత్తిన గందరగోళం నేపథ్యంలో ఈ వివరణ వచ్చింది. అందులో అసాధారణ మినహాయింపులు లేకుంటే స్వదేశాలకు వెళ్లి వేచి ఉండాల్సిందేనని సూచించింది. శాశ్వత నివాసం ఈటోమేటిక్ హక్కు కాదని, విచక్షణా ప్రయోజనం మాత్రమే అని ఆ మెమో తెలిపింది. ఇది తాత్కాలిక వీసాలపై ఉన్న వలస దారులు, విదేశీ నిపుణులలో ఆందోళన రేపింది. అయితే, డీహెచ్ఎస్ మాత్రం ఎటువంటి విస్తృత విధాన మార్పు జరగలేదని స్పష్టం చేసింది. ఇమ్మిగ్రేషన్ అధికారులకు దరఖాస్తుదారుల గ్రీన్ కార్డ్ ప్రక్రియను అమెరికా వెలుపల పూర్తి చేయాలా వద్దా అని కేస్-బై-కేస్ ప్రాతిపదికన నిర్ణయించే అధికారం చాలా కాలంగా ఉందని న్యూయార్క్ టైమ్స్ తెలిపింది.

ఇది అధికారులకు వారి విచక్షణాధికారంపై ఒక రిమైండర్ మాత్రమేనని, ఇది ఎల్లప్పుడూ కేస్-బై-కేస్ ప్రాతిపదికన ఉనికిలో ఉందని డీహెచ్ఎస్ ప్రతినిధి వెల్లడించారు. దరఖాస్తులు సమీక్షలో ఉన్నప్పుడు అధికశాతం వలసదారులు దేశంలోనే ఉండవచ్చని ఆయన తెలిపారు. వీసా గడువు ముగిసిన వారు లేదా ఇతర ఇమ్మిగ్రేషన్ ఆందోళనలు వ్యక్తిగత నిర్ణయాలను ప్రభావితం చేయవచ్చని అధికారులు సూచించారు. ప్రభుత్వం వివరణాత్మక ప్రమాణాలు అందించకపోయినా, USCIS "ఆర్థిక ప్రయోజనం" మరియు "జాతీయ ప్రయోజనం" ఆధారంగా మినహాయింపులు ఉంటాయని తెలిపింది. ఈ వివరణ గత USCIS ఉత్తర్వులపై కొంత ఊరటనిచ్చింది.

ఈ విధానం ఇమ్మిగ్రేషన్ చట్టాన్ని మార్చదని ప్రభుత్వం అంటున్నప్పటికీ, తాత్కాలిక వీసాలపై వచ్చాక శాశ్వత నివాసం కోరే కొందరు దరఖాస్తుదారులకు ఈ మెమో మరింత కఠినమైన పరిశీలనా ప్రక్రియను సూచిస్తుందని నిపుణులు హెచ్చరిస్తున్నారు. గ్రీన్ కార్డ్ వలసదారులకు అమెరికా పౌరసత్వానికి మార్గం సుగమం చేస్తూ, అక్కడ శాశ్వత నివాసం, పని అనుమతినిస్తుంది. 2024లో అమెరికా సుమారు 1.4 మిలియన్ గ్రీన్ కార్డ్‌లను మంజూరు చేసింది. ఇందులో 8,20,000 "అడ్జస్ట్‌మెంట్ ఆఫ్ స్టేటస్" ప్రక్రియ ద్వారా లభించాయి. దీని ద్వారా దరఖాస్తుదారులు దేశంలోనే ఉండి శాశ్వత నివాసం పొందవచ్చు. దరఖాస్తుదారులు యజమాని స్పాన్సర్‌షిప్ లేదా కుటుంబ సంబంధాల ద్వారా అర్హత పొందుతారు.

English summary

The article outlines DHS and USCIS clarifications that green card applicants may stay in the United States during processing, with decisions made on a case by case basis and no broad policy changes announced. It notes the nuance of discretionary exemptions and potential impacts on temporary visa holders.