2007 మక్కా మసీదు పేలుళ్లు: ఎప్పుడేం జరిగింది?

హైదరాబాద్: మక్కా మసీదు పేలుడు కేసులో నాంపల్లి ఎన్ఐఏ ప్రత్యేక న్యాయస్థానం సోమవారం తీర్పు వెలువరించనుంది. పదకొండేళ్ల సుదీర్ఘ విచారణ అనంతరం ఈ కేసులో తీర్పు నేపథ్యంలో హైదరాబాద్ నగర పోలీసులు భారీ బందోబస్తు ఏర్పాటు చేశారు.

చదవండి: మక్కా మసీదు పేలుళ్ల కేసు కొట్టివేత: నాంపల్లి ఎన్ఐఏ కోర్టు తుది తీర్పు, భారీ బందోబస్తు

2007 మే 18న మధ్యాహ్నం 1.15 గం.ల సమయంలో మక్కా మసీదు ఆవరణలోని వజూఖానా వద్ద ఇంప్రూవైజ్డ్‌ ఎక్స్‌ప్లోజివ్‌ డివైజ్ (ఐఈడీ) బాంబు పేలింది. ఈ ఘటనలో తొమ్మిది మంది మృతి చెందారు. 58 మంది గాయపడ్డారు. సమీపంలోనే పేలని మరో ఐఈడీని పోలీసులు స్వాధీనం చేసుకున్నారు.

మే 18, 2007 : మక్కా మసీదులో పేలుడు చోటు చేసుకొని 9 మంది మృతి చెందారు. 58 మంది గాయపడ్డారు.

జూన్ 2010: ఈ కేసులో సీబీఐ నిందితుల ఛార్జీషీట్లో సునీల్ జోషి పేరు ఉంది. 29 డిసెంబర్ 2007లో గుర్తు తెలియని వ్యక్తుల చేతిలో అతను చనిపోయాడు.

నవంబర్ 19, 2010: హిందూ గ్రూప్ అభినవ్ భారత్ సభ్యుడు జతిన్ ఛటర్జీను (స్వామి అసిమానాంద) సీబీఐ అరెస్ట్ చేసింది. దేవేందర్ గుప్తా, లోకేష్ శర్మ అనే మరో ఇద్దరు నిందితులను కూడా అరెస్టు చేసింది.

డిసెంబర్ 18, 2010: మక్కా మసీదు పేలుడు ఘటనలో తన పాత్రను అసీమానంద అంగీకరించాడు.

2011 డిసెంబర్ 3: గుజరాత్‌ వల్సాద్‌కు చెందిన భారత్‌ మోహన్‌లాల్‌ రతేశ్వర్‌ అలియాస్‌ భారత్‌భాయి అరెస్ట్.

ఏప్రిల్ 2011: ఈ కేసు విచారణ సీబీఐ నుంచి జాతీయ దర్యాఫ్తు సంస్థ (ఎన్ఐఏ - నేషనల్ ఇన్వెస్టిగేషన్ ఏజెన్సీ) బదలీ అయింది.

2013 మార్చి 2: మధ్యప్రదేశ్‌కు చెందిన రాజేందర్‌ చౌదరి అలియాస్‌ సముందర్‌ పోలీసులకు చిక్కాడు.

మార్చి 23, 2017: హైదరాబాద్ కోర్టు అసీమానందకు బెయిల్ ఇచ్చింది. ఏడేళ్ల తర్వాత జైలు నుంచి విడుదలయ్యాడు.

మార్చి 31, 2017: అసీమానంద చంచల్ గూడ జైలు నుంచి విడుదలయ్యాడు

ఏప్రిల్ 16, 2018: ఈ కేసులో ఐదుగురు నిందితులను కోర్టు నిర్దోషులుగా తేల్చింది. నిందితులపై నేరారోపణలు రుజువు చేయడంలో ప్రాసిక్యూషన్ విఫలమైంది. దీంతో ఐదుగురు నిందితులపై కేసు కొట్టివేశారు.

English summary

After 11 years the special NIA court will deliver its verdict in the high-profile Mecca Masjid case. The case has seen several twists and turns. The police had probed the case at first following which it handed over to the CBI.