మీనాక్షీ కోసం తెలంగాణ ఎంపీ రాజ్యసభ సీటు త్యాగం..!?
తెలంగాణ రాజకీయాల్లో కీలక పరిణామం. రాష్ట్ర కాంగ్రెస్ ఇంఛార్జ్ గా ఉన్న మీనాక్షీ నటరాజన్ ను రాజ్యసభకు పంపాలని పార్టీ నాయకత్వం నిర్ణయించింది. మధ్యప్రదేశ్ నుంచి నామినేషన్ దాఖలు చేసారు. అక్కడ నామినేషన్ తిరస్కరణకు గురైంది. దీని పైన సుప్రీంను ఆశ్రయించారు. అయినా ఫలితం దక్కలేదు. మీనాక్షీ నామినేషన్ తిరస్కరణ.. కేసు విషయంలో తెలంగాణ కాంగ్రెస్ నేతల పైన విమర్శలు మొదలయ్యాయి. దీంతో.. ఇప్పుడు అనూహ్యంగా తెలంగాణ నుంచే మీనాక్షీని రాజ్యసభకు పంపే కొత్త ప్రతిపాదన తెర పైకి వచ్చింది.
తెలంగాణ కాంగ్రెస్ పార్టీ వ్యవహారాల ఇంఛార్జ్ మీనాక్షీ నటరాజన్ ను రాజ్యసభకు పంపే మార్గాల పైన పార్టీ అన్వేషిస్తోంది. మీనాక్షీ నటరాజన్ నామినేషన్ తిరస్కరణకు గురైన కేసు.. కారణాలు.. బీజేపీ తీరు పైన పార్టీ నాయకత్వం గుర్రుగా ఉంది. తెలంగాణ కాంగ్రెస్ నేతల తీరు కారణంగానే మీనాక్షీ కేసు వ్యవహారం బీజేపీకి అస్త్రంగా మారిందనే విమర్శలు వినిపిస్తున్నాయి.
నామినేషన్ తిరస్కరణ తీరు పైన.. బీజేపీ నాయకత్వ ప్రమేయం ఉందని కాంగ్రెస్ ఆరోపిస్తోంది. అటు సుప్రీం కోర్టులోనూ మీనాక్షి దాఖలు చేసిన పిటీషన్ పైన ఫలితం రాలేదు. దీంతో.. ఇప్పుడు మీనాక్షీని రాజ్యసభకు పంపటం పైన పార్టీ నాయకత్వం.. సీఎం రేవంత్ కొత్త ఆలోచన చేస్తున్నట్లు పార్టీ నేతల సమాచారం. అందులో భాగంగా తెలంగాణ నుంచే మీనాక్షీని రాజ్యసభకు పంపే అవకాశం పైన చర్చ చేస్తున్నట్లు తెలుస్తోంది.
ప్రస్తుతం తెలంగాణ నుంచి ఏడుగురు రాజ్యసభ సభ్యులు ఉన్నారు. వారిలో నలుగురు కాంగ్రెస్ నుంచి.. ముగ్గురు బీఆర్ఎస్ నుంచి ప్రాతినిధ్యం వహిస్తున్నారు. వీటిలో ఏ ఒక్క సీటు రెండేళ్ల వరకూ ఖాళీ అయ్యే అవకాశం లేదు. కాంగ్రెస్ నుంచి అనిల్ యాదవ్, రేణుకా చౌదరి, అభిషేక్ సింఘ్వీ, వేం నరేంద్ర రెడ్డి రాజ్యసభ సభ్యులుగా ఉన్నారు. నలుగురు సిట్టింగ్ సభ్యుల్లో ఒకరు పదవీ త్యాగం చేస్తే మీనాక్షికి లైన్ క్లియర్ అవుతందని పార్టీ నేతలు ఆలోచన చేస్తున్నట్లు తెలుస్తోంది.
ఆ వెంటనే జరిగే ఉప ఎన్నికలో మీనాక్షీని రాజ్యసభకు పంపే అవకాశం ఉంటుంది. మీనాక్షీ కోసం స్వచ్చందంగా రాజీనామా చేసే అవకాశం ఈ నలుగురిలో ఎవరికి ఉందనే చర్చ ఆసక్తి కరంగా మారుతోంది. ఇందు కోసం సీఎం రేవంత్ కు సన్నిహితులుగా పేరున్న ఇద్దరి పేర్లు ప్రచారంలో ఉన్నాయి. దీని ద్వారా పార్టీ నాయకత్వం వద్ద మరింత ఇమేజ్ పెరుగుతుందనే లెక్కలు తెర మీదకు వస్తున్నాయి. దీంతో.. తన ప్రతిపాదన పైన రేవంత్ పార్టీ నాయకత్వం వద్ద చర్చించిన తరువాత.. తుది నిర్ణయం తీసుకోనున్నారు.
Click it and Unblock the Notifications
Sign in with Google