గచ్చిబౌలిలో రేవ్ పార్టీ భగ్నం.. డిప్యూటీ తహసీల్దార్ సహా ఏడుగురు అరెస్ట్

హైదరాబాద్ మహానగరంలో మరోసారి రేవ్ పార్టీ భగ్గుమంది. హైదరాబాద్ గచ్చిబౌలిలో నిర్వహిస్తున్న రేవ్ పార్టీని పోలీసులు భగ్నం చేశారు. గచ్చిబౌలి పోలీస్ స్టేషన్ పరిధిలో ఈగల్ టీమ్, గచ్చిబౌలి పోలీసులు సంయుక్తంగా ఆపరేషన్ నిర్వహించింది. ఈ రేవ్‌ పార్టీపై దాడి ఘటనలో ఏడుగురిని అరెస్ట్‌ చేసినట్లు పోలీసులు పేర్కొన్నారు. ఈ రైడ్‌ లో 20 గ్రాముల కొకైన్‌, 3 గ్రాముల ఎండీఎంఏ, 8 గ్రాముల డ్రగ్‌ పిల్స్‌ స్వాధీనం చేసుకున్నారు. ఇందుకు సంబంధించిన వివరాలను మాదాపూర్ డీసీపీ వినీత్ వెల్లడించారు.

హైదరాబాద్ లోని గచ్చిబౌలి ప్రాంతంలో రేవ్‌ పార్టీ నిర్వహిస్తుండగా పోలీసులు దాడి చేశారు. రేవ్‌ పార్టీపై దాడి ఘటనలో ఏడుగురిని అరెస్ట్‌ చేసినట్లు పోలీసులు తెలిపారు. ఈ రైడ్‌ లో 20 గ్రాముల కొకైన్‌, 3 గ్రాముల ఎండీఎంఏ, 8 గ్రాముల డ్రగ్‌ పిల్స్‌ స్వాధీనం చేసుకున్నట్లు పేర్కొన్నారు. పోలీసులు తెలిపిన వివరాల ప్రకారం.. గచ్చిబౌలి ఈగల్ టీమ్, స్థానిక పోలీసులు సంయుక్తంగా ఆపరేషన్ నిర్వహించారు. రాజేశ్వరి నిలయం అనే సర్వీస్ అపార్ట్‌మెంట్ ‌లో జరుగుతున్న రేవ్ పార్టీపై దాడి జరిపారు. ఈ దాడిలో ఆరుగురిని అదుపులోకి తీసుకున్నారు. భారీ మొత్తంలో డ్రగ్స్ స్వాధీనం చేసుకున్నారు.

అరెస్టు అయిన వారిలో డ్రగ్ పెడ్లర్లు తేజ, విక్రమ్ తోపాటు, ముగ్గురు వినియోగదారులు నీలిమ, పురుషోత్తం, భార్గవ్ ఉన్నట్లు పోలీసులు తెలిపారు. వీరి వద్ద నుంచి 20 గ్రాముల కొకైన్, 8 ఎక్స్ టసీ గుళికలు, 3 గ్రాముల MDMA స్వాధీనం చేసుకున్నామని పోలీసులు తెలిపారు. ఈ కేసులో బెంగళూరుకు చెందిన డ్రగ్ సరఫరాదారు రాహుల్ అలియాస్ సోను, డిప్యూటీ తహసీల్దార్ మణిదీప్ పరారీలో ఉన్నారు.

ఇక తేజ, విక్రమ్, నీలిమ ముగ్గురూ కలిసి గోవా, రాజమండ్రి, తదితర ప్రాంతాల్లో రేవ్ పార్టీలు నిర్వహించేవారని, మణిదీప్ రాజమండ్రిలో తన సొంత ఫామ్ హౌస్‌ లో తరచూ పార్టీలను ఏర్పాటు చేసేవారని తేలింది. నీలిమ, తేజ, విక్రమ్‌ లకు డ్రగ్స్ అలవాటు చేయడంలో మణిదీప్ కీలక పాత్ర పోషించినట్లు పోలీసులు గుర్తించారు. ఈ ఘటనపై పూర్తి స్థాయిలో దర్యాప్తు చేపట్టారు.