తెలంగాణలో భారీ వర్షాలకు 9 మంది మృతి: పలువురు గల్లంతు

తెలంగాణ వ్యాప్తంగా కురుస్తున్న భారీ వర్షాలు బీభత్సం సృష్టిస్తున్నాయి. ఎడతెరిపిలేని వర్షాలతో ఎక్కడికక్కడ వాగులు, వంకలు పొంగి పొర్లడంతో జనజీవనం అస్తవ్యస్తమవుతోంది. భారీ వర్షాలు, వరదల కారణంగా ఆదివారం మధ్యాహ్నం ఒంటి గంట వరకు రాష్ట్రంలో 9 మంది మృతి చెందినట్లు రెవెన్యూ శాఖ మంత్రి మంత్రి పొంగులేటి శ్రీనివాస్​ రెడ్డి తెలిపారు. వరంగల్​‌లో ఐదుగురు మృతి చెందగా, సూర్యాపేట జిల్లాలో ఇద్దరు, ఖమ్మం జిల్లాలో ఇద్దరు మృతి చెందారు. వరదల్లో పలువురు గల్లంతయ్యారు. వారి కోసం గాలింపు కొనసాగుతోంది.

ఉమ్మడి వరంగల్​ జిల్లాలో కురిసిన భారీ వర్షాలకు అత్యధికంగా ఐదుగురు మృతి చెందారు. సింగరేణి మండలం గేట్​ కారేపల్లి గంగారం తండాకు చెందిన తండ్రీ కుమార్తె వరద ప్రవాహంలో కొట్టుకుపోయారు. ఆయన కుమార్తె అశ్విని వ్యవసాయ శాస్త్రవేత్తగా రాయ్‌​పూర్‌​లో విధులు నిర్వహిస్తోంది. తండ్రితో కలిసి కారులో హైదరాబాద్ బయలుదేరగా మార్గమధ్యలో వరదలో చిక్కుకుపోయి కొట్టుకుపోయారు.

వరంగల్​ జిల్లా దుగ్గొండి మండలంలో మందపల్లికి చెందిన భిక్షాటన చేసుకొనే వృద్ధురాలు మరణించింది. ములుగు జిల్లా తాడ్వాయి మండలం కాల్వపల్లి గ్రామానికి చెందిన ఓ వ్యక్తి పశువులను మేతకు తీసుకెళ్లి వస్తుండగా వరద ప్రవాహానికి కొట్టుకుపోయి ప్రాణాలు కోల్పోయారు. పరకాల గ్రామానికి చెందిన మరో వ్యక్తి చెరువులో చేపల వేటకు వెళ్లి గల్లంతై చనిపోయారు.

#HeavyFloods in Akeru stream of Chinnagudur, #Mahabubabad

Man, daughter on their way to #Hyderabad Airport on a car washed away, woman's body found#TelanganaRain #TelanganaRains #HyderabadRains #Prabhas #TheyCallHimOG #AlluArjun #Matta #Formula4Chennai #Suriya #HeavyRains pic.twitter.com/P77RHUgAnl

— Pakka Telugu Media (@pakkatelugunewz) September 1, 2024

మరోవైపు, ఖమ్మం జిల్లా కూసుమంచి మండలంలోని నాయకన్ గూడెంలో పాలేరు వాగులో దంపతులు వరదనీటిలో కొట్టుకుపోయి మృతి చెందారు. పాలేరు అలుగు సమీపంలో ఉన్న సిమెంటు ఇటుకల తయారీ కర్మాగారంలో ఓ కుటుంబం నివసిస్తోంది. పాలేరు జలాశయానికి ఆదివారం తెల్లవారుజాము నుంచి వరద పోటెత్తడంతో షేక్ యాకుబ్, భార్య సైదాబి, కుమారుడు షరీఫ్ వరదల్లో చిక్కుకుపోయారు. వరద ఉద్ధృతి పెరగడంతో ప్రవాహంలో గల్లంతయ్యారు. అయితే, కొట్టుకుపోతున్న షరీఫ్‌ను స్థానికులు, పోలీసులు కాపాడారు.

A person swept away and stranded in the Naganool Vagu stream was courageously rescued by our dedicated police officers. Hats off to their bravery and quick action! #Hyderabad #Telangana #Andhra #Rain #NagarKurnoolpic.twitter.com/1ikkY3t40a

— The Munsif Daily (@munsifdigital) September 1, 2024

సూర్యాపేటజిల్లా కోదాడలో వరద నీటిలో రెండు మృతదేహాలు లభ్యమయ్యాయి. రాత్రి భారీ వర్షం కారణంగా కార్లు, ఆటోలు, ద్విచక్ర వాహనాలు వరదలో కొట్టుకుపోయాయి. కొట్టుకుపోయిన ఓ కారులో రవి అనే వ్యక్తి మృతదేహం లభ్యమైంది. శ్రీనివాస నగర్‌కు చెందిన టీచర్‌ వెంకటేశ్వర్లు శనివారం రాత్రి బైకుపై ఇంటికి వెళ్తూ వరదలో గల్లంతయ్యారు. ఆయన మృతదేహం ఆదివారం వరద నీటిలో లభ్యమైంది.

#WATCH | Telangana: Waterlogging witnessed in Warangal city following heavy rain in the region. pic.twitter.com/Y2qRYBKjLC

— ANI (@ANI) September 1, 2024

ఉమ్మడి వరంగల్, నల్గొండ జిల్లాల్లో వరద సహాయక చర్యలు కొనసాగుతున్నాయి. అగ్నిమాపక, విపత్తు నిర్వహణ సిబ్బంది కోదాడలో ముంపు బాధితులను బోట్ల సాయంతో కాపాడారు. మహబూబాబాద్​ జిల్లా సీతారాం తండాలో వరద బాధితులను అగ్నిమాపక సిబ్బంది కాపాడారు. పలు ప్రాంతాల్లో వరదలో చిక్కున్న 250 మందిని అగ్నిమాపక, విపత్తు నిర్వహణ సిబ్బంది కాపాడారు.

పెద్దపల్లి జిల్లాలో మల్యాల వాగులో ఇద్దరు వ్యక్తులు గల్లంతు అయ్యారు. కాల్వశ్రీరాంపూర్​ మండలం మల్యాల వద్ద వాగు దాటుతూ వారు గల్లంతైయ్యారు. వాగులో కొట్టుకుపోతూ చెట్టుని ఒక యువకుడు పట్టుకున్నాడు. ఆ యువకుడిని కాపాడేందుకు స్థానికులు యత్నించారు. గల్లంతైన మరో యువకుడి కోసం రెస్క్యూ టీం గాలిస్తోంది. వాగులో గల్లంతైన వ్యక్తి మీర్జంపేట పంచాయతీ బిల్​ కలెక్టర్​‌గా గుర్తించారు. భారీ వర్షాల నేపథ్యంలో ప్రజలు అప్రమత్తంగా ఉండాలని, అత్యవసరమైతే తప్ప బయటకు రాకూడదని అధికారులు హెచ్చరిస్తున్నారు.

English summary

Heavy rains in Telangana killed 9 people.