జూబ్లీహిల్స్ కాబోయే ఎమ్మెల్యే నవీన్ యాదవ్ ఆస్తులు ఎన్ని కోట్లంటే..!

తెలంగాణ లోని జూబ్లీహిల్స్ అసెంబ్లీ ఉపఎన్నికలో కాంగ్రెస్ అభ్యర్థి నవీన్ కుమార్ యాదవ్ ఘన విజయం సాధించారు. హోరాహోరీగా సాగిన ఈ బై ఎలక్షన్ లో దాదాపు 25 వేల ఓట్ల మెజార్టీతో విజయ దుందుభి మోగించారు. పోస్టల్ బ్యాలెట్‌ ఓట్ల లెక్కింపు నుంచే ఆధిక్యం కనబరిచిన నవీన్.. ఈవీఎం లెక్కింపులోనూ మొదటి రౌండ్ నుంచే దూసుకుపోయారు. 16 ఏళ్ల రాజకీయ జీవితంలో నాలుగుసార్లు వరుస ఓటములు చవిచూసిన ఆయన.. ఎట్టకేలకు మొదటిసారి విజయం సాధించారు. దీంతో పార్టీ నాయకులు, కార్యకర్తలు నవీన్ యాదవ్ నివాసం వద్ద బాణాసంచా పేల్చుతూ సంబరాలు జరుపుతున్నారు.

కాగా ఈ క్రమంలోనే నవీన్ యాదవ్ ఆస్తుల వ్యవహారం చర్చనీయాంశంగా మారింది. ఈ ఉప ఎన్నికల అఫిడవిట్‌లో ఆయన తన ఆస్తుల వివరాలతో పాటు అప్పులను గురించి కూడా వెల్లడించారు. వాటిని పరిశీలిస్తే.. మొత్తంగా 30 కోట్ల రూపాయల ఆస్తులతో పాటు.. రూ.75 లక్షల మేర రుణాలు ఉన్నట్టు స్పష్టం చేశారు. అలానే తన వద్ద 11 తులాల బంగారు ఆభరణాలు ఉండగా.. ఆయన భార్య వద్ద 2 కిలోల బంగారు ఆభరణాలు, 15 కిలోల వెండి ఉందని పేర్కొన్నారు. వారి కుమారుడి పేరిట 15 తులాల బంగారం ఉందని వివరించారు.

2018 ఎన్నికల అఫిడవిట్లో సమర్పించిన వివరాల ప్రకారం నవీన్ యాదవ్‌కు రూ.17.5 కోట్లకుపైగా ఆస్తులు ఉండగా.. రూ.85 లక్షల మేర అప్పులు ఉన్నాయి. నవీన్ యాదవ్‌ బీఆర్ఎస్ కీలక నేత తలసాని శ్రీనివాస్ యాదవ్ సోదరుడి కుమార్తె వర్షను వివాహం చేసుకున్న విషయం తెలిసిందే.

నవీన్ యాదవ్ ఆస్తులు ఎన్ని కోట్లంటే..?

యాదవ్ అఫిడవిట్ ప్రకారం ఆయనకు ఉన్న మొత్తం ఆస్తులు సుమారు రూ. 30 కోట్లు

పెట్టుబడులు:

క‌స్తూరి న‌వీన్ ఇన్‌ఫ్రాస్ట్ర‌క్చ‌ర్ ప్రైవేట్ లిమిటెడ్‌.

న‌వీన్ ప్ర‌వీణ్ డెవ‌ల‌ప‌ర్స్ ప్రైవేట్ లిమిటెడ్‌.

వైజేఆర్ ఇన్‌ఫ్రా అండ్ రియ‌ల్ట‌ర్స్ ఎల్ఎల్‌పీ.

వీటితో పాటు సంగారెడ్డి, మెడ్చల్-మల్కాజ్‌గిరి, హైదరాబాద్ జిల్లాల్లో వ్యవసాయ, అవ్యవసాయ భూములు ఉన్నట్లు వివరించారు.

భార్య వర్షా యాదవ్ ఆస్తులు..

మొత్తం ఆస్తులు: సుమారు రూ.8 కోట్లు

బంగారం: రూ.2.2 కోట్లు

వెండి: రూ.22.75 లక్షలు విలువ

అప్పులు..

యాదవ్ దంపతుల మొత్తం అప్పులు రూ. 75 లక్షలు ఉన్నాయి.

నవీన్ యాదవ్ (FY 2024-25): రూ. 19.51 లక్షలు

వర్షా యాదవ్ (FY 2023-24): ₹7.82 లక్షలు

ఇద్దరి ఆదాయంలో గత కొన్నేళ్లుగా స్థిరంగా వృద్ధి కనిపిస్తోంది.

మరోవైపు అఫిడవిట్ ప్రకారం.. అలాగే తనపై 7 క్రిమినల్ కేసులు నమోదై ఉన్నట్లు రిట‌ర్నింగ్ ఆఫీస‌ర్‌కు తెలియజేశారు. నవీన్ యాదవ్‌పై జూబ్లీహిల్స్ పరిధిలో 2021లో కేసులు నమోదయ్యాయి. 2025 ఉప ఎన్నిక సమయంలో ఓటర్లను ప్రలోభపర్చే ప్రయత్నం చేశారనే ఆరోపణలతో ఆయనపై మధురానగర్ పోలీసు స్టేషన్లో కేసు నమోదైంది.

English summary

Congress candidate Naveen Kumar Yadav has won the Jubilee Hills Assembly by-election in Telangana by a landslide. He won the by-election with a majority of nearly 25,000 votes.