ప్రతిపక్షనేతగా అసెంబ్లీలో అడుగుపెట్టక ముందే కేసీఆర్ కు షాకిచ్చిన రేవంత్ రెడ్డి!!

తెలంగాణ రాష్ట్రంలో కాంగ్రెస్ పార్టీ అధికారంలోకి వచ్చిన తర్వాత రాజకీయాలు ఆసక్తికరంగా మారాయి. తెలంగాణ రాష్ట్రంలో అధికారంలోకి వచ్చిన కాంగ్రెస్ పార్టీ పదేపదే బీఆర్ఎస్ పార్టీని టార్గెట్ చేస్తోంది. తెలంగాణ మాజీ సీఎం కేసీఆర్ కు చిరాకు కలిగిస్తుంది. ఇక బీఆర్ఎస్ పార్టీ విషయంలో ఎప్పటికప్పుడు ఇబ్బంది పెట్టే నిర్ణయాలు తీసుకుంటున్న తెలంగాణ ప్రభుత్వం తాజాగా తీసుకున్న నిర్ణయం బీఆర్ఎస్ పార్టీ నేతలకు ఆగ్రహం తెప్పిస్తుంది.

తెలంగాణా అసెంబ్లీ సమావేశాలు ప్రస్తుతం మొదలయ్యాయి. తెలంగాణ అసెంబ్లీలో తాజాగా బీఆర్ఎస్ లెజిస్లేటివ్ పార్టీకి కి గదుల కేటాయింపు జరిగింది. ఔటర్ లాబీలో రూమ్ నెంబర్ 1,2 లను బీఆర్ఎస్ఎల్పి కి అసెంబ్లీ సచివాలయం కేటాయించడం జరిగింది. గతంలో ప్రతిపక్ష నేతగా జానారెడ్డి, భట్టి విక్రమార్కల కు కేటాయించిన ఛాంబర్ ను బీఆర్ఎస్ కు ప్రస్తుతం కేటాయించలేదు.

ముఖ్యంగా అసెంబ్లీ ప్రతిపక్ష నేత అయిన కెసిఆర్ కు షాక్ ఇస్తూ ఆయన ఛాంబర్ ను మార్చింది రేవంత్ సర్కార్. ప్రతిపక్ష నేతకు ఏళ్ల తరబడిగా కేటాయిస్తున్న కార్యాలయం కాకుండా, ఒక చిన్న రూమును కేటాయించడం ప్రస్తుతం బీఆర్ఎస్ పార్టీ నేతల ఆగ్రహానికి కారణంగా మారింది. ఇది కావాలని రేవంత్ ప్రభుత్వ కక్షపూరిత చర్యగా, కేసీఆర్ ను అవమానించాలనే ఆలోచనగా చెప్తున్నారు బీఆర్ఎస్ పార్టీ ఎమ్మెల్యేలు.

తెలంగాణలో కాంగ్రెస్ ప్రభుత్వం ఏర్పడిన తర్వాత మొదటి సమావేశానికి కెసిఆర్ కు గత ప్రతిపక్ష నేతలకు కేటాయించిన కార్యాలయాన్ని కేటాయించి, రెండవ సమావేశాల వరకే మార్పు చేసింది కాంగ్రెస్ ప్రభుత్వం. అటు బిజెపి కి రూమ్ నెంబర్ 3, ఎంఐఎం పార్టీకి రూమ్ నెంబర్ 4 లను కేటాయించింది.

39 మంది ఎమ్మెల్యేలకు నేతృత్వం వహిస్తున్న ప్రతిపక్ష నేత కార్యాలయాన్ని ఇన్నర్ లాబీ నుంచి ఔటర్ లాబీ కి మార్చడం పై గులాబీ పార్టీ ఎమ్మెల్యేలలో చర్చ కొనసాగుతుంది. దీనిపై అసెంబ్లీ స్పీకర్ ను ప్రశ్నించనున్నారు గులాబీ ఎమ్మెల్యేలు.

English summary

Revanth Mark shock to KCR. During the assembly meetings, the chamber was changed before kcr entering the assembly as opposition leader. Alloted a small room.