కోర్టు వద్ద లేఖ విసిరి భత్కల్ హల్‌చల్: ఎవరి కోసం విసిరాడు?

హైదరాబాద్: ఇండియన్ ముజాహిదీన్ (ఐఎం) ఉగ్రవాది, దిల్‌సుఖ్ నగర్ జంట పేలుళ్ల కేసు నిందితుడు యాసిన్ భత్కల్ సోమవారం నాడు రంగారెడ్డి జిల్లా కోర్టు వద్ద హల్ చల్ చేశాడు. భత్కల్‌ను ఈ రోజు కోర్టులో హాజరుపరిచారు. భత్కల్ హాజరు నేపథ్యంలో కోర్టు వద్ద భారీ బందోబస్తు ఏర్పాటు చేశారు.

80 మంది వరకు భద్రతను ఉంచారు. భత్కల్ కోర్టు హాలు నుంచి వచ్చాక ఓ లేఖను విసిరాడు. దీంతో కలకలం చెలరేగింది. పోలీసులు వెంటనే ఆ లేఖను స్వాధీనం చేసుకున్నారు.

తన ప్రాణానికి ముప్పు ఉందని, తన పైన దుష్ప్రచారం చేస్తున్నారని లేఖలో ఉన్నట్లుగా తెలుస్తోంది. ఆ లేఖ ఎందుకు విసిరాడు, ఎవరికి ఇచ్చేందుకు విసిరాడు, ఏదైనా తప్పించుకనే ఉపాయం ఉందా అనే కోణంలో పోలీసులు దర్యాఫ్తు చేస్తున్నారు.

ఆ లేఖను అతను జైలులో ఉండగానే రాశాడా లేక బస్సులో కోర్టు హాలుకు తరలిస్తుండగా రాశాడా అనే విషయం పోలీసులు దర్యాఫ్తు చేస్తున్నారు. పిటి వారెంటు పైన యాసిన్ భత్కల్‌ను పోలీసులు రాజస్థాన్ తీసుకు వెళ్లనున్నారు.

English summary

Terrorist Yasin Bhatkal hulchul at Ranga Reddy Court