ప్రపంచాన్ని ఫేస్ చేసేందుకు సిద్ధంగా ఉన్నారా?: ఉపాసన (పిక్చర్స్)

By Srinivas

Published: Sunday, January 24, 2016, 14:11 [IST]

హైదరాబాద్: ప్రముఖ పెడిట్రీషియన్ డాక్టర్ అనుపమ్ సిబాల్ పిల్లల పెంపకంపై రాసిన 'ఈజ్ యువర్ చైల్డ్ రెడీ టు ఫేస్ ది వరల్డ్' పుస్తకాన్ని శ్రీమతి ఉపాసన కామినేని శనివారం నాడు లెమన్ ట్రీ ప్రీమీయర్ హోటల్లో ఆవిష్కరించారు. ఈ పుస్తకం పెంగ్విన్ సంస్థ ఆధ్వర్యంలో ప్రచురితమైంది.

'పిల్లల ఆలోచనలను తల్లిదండ్రులు అర్థం చేసుకోవడం చాలా ముఖ్యం. నేటి తరం పిల్లల యొక్క నడవడికను ఏవిధంగా తల్లిదండ్రులు అర్థం చేసుకోవచ్చు అనేది ఈ పుస్తకం యొక్క సారాంశమ'ని ఉపాసన కామినేని అన్నారు.

ఈ సందర్భంగా డాక్టర్ అనుపమ్ సిబాల్ మాట్లాడుతూ.. తల్లిదండ్రులు ఎప్పుడూ పిల్ల ఉజ్వల భవిష్యత్తు కోరుకుంటారని, అదేవిధంగా పిల్లలు తమ కలలను సాకారం చేసుకోవాలని తల్లిదండ్రులు ఆకాంక్షిస్తారని, ఈ నేపథ్యంలో తల్లిదండ్రులు, పిల్లలు ప్రపంచాన్ని ఎలా ఎదుర్కోగలరనే అంశంపై అవగాహన కలిగి ఉండాలన్నారు.