సిఐపై తిట్ల పర్వంపై కేసు: గాంధీ విగ్రహం వద్ద విహెచ్ ధర్నా, అరెస్టు
ఓ ఇన్స్పెక్టర్పై కాంగ్రెసు సీనియర్ నేత అసభ్య పదజాలంతో విరుచకుపడినట్లు ఆరోపిస్తూ కేసు పెట్టడాన్ని నిరసిస్తూ విహెచ్ ధర్నాకు దిగి, అరెస్టయ్యారు.
హైదరాబాద్: కాంగ్రెస్ సీనియర్ నేత, రాజ్యసభ మాజీ సభ్యుడు వి. హనుమంతరావును హైదరాబాద్ పోలీసులు అరెస్టు చేశారు. హైదరాబాదులోని సోమాజీగూడ రాజీవ్ గాంధీ విగ్రహం వద్ద వీహెచ్ పలువురు కాంగ్రెస్ నేతలతో కలిసి శనివారం ధర్నా చేస్తుండగా పంజాగుట్ట పోలీసులు అరెస్టు చేసి గోషామహాల్ పోలీస్ స్టేషన్కు తరలించారు.
మూడు రోజుల క్రితం అసెంబ్లీ ప్రాంగణంలో ఓ పోలీస్ అధికారిని తాను తిట్టానంటూ తనపై అసత్య అరోపణల మోపి కేసు నమోదు చేశారని ఆరోపిస్తూ వీహెచ్ రాజీవ్ గాంధీ విగ్రహం వద్ద ధర్నా చేశారు. తాను ఎవరినీ తిట్టలేదని ఆయన తెలిపారు. తనపై కావాలనే ఆరోపణలు చేస్తున్నారని వీహెచ్ అన్నారు.
ఓ పోలీసు ఇన్స్పెక్టర్పై కాంగ్రెసు మాజీ పార్లమెంటు సభ్యుడు వి. హనుమంతరావు నోరు పారేసుకున్న విషయం తెలిసిందే. అసభ్య పదజాలంతో తిట్టిపోశారు. "అరే.. నువ్వు ఎవడ్రా బై నాకు చెప్పేది!. నన్నే అడ్డుకుంటావా?. ఆరేయ్.. నీ అంతు చూస్తా" అంటూ తిట్టిపోశారు. డ్యూటీలో ఉన్న ఓ ఇన్స్పెక్టర్పై ఆయన విరుచుకుపడ్డారు.
సాక్షాత్తూ అసెంబ్లీ ఆవరణలో, మీడియా పాయింట్ వద్ద ఈ ఘటన చోటు చేసుకుంది. గురువారం జరిగిన ఈ ఘటన మర్నాడు గానీ వెలుగులోకి రాలేదు. మీడియాతో మాట్లాడేందుకు పాయింట్ వద్దకు వీహెచ్ వచ్చారు. అందుకు అనుమతి లేదంటూ అక్కడ విధుల్లో ఉన్న కామాటిపుర అదనపు ఇన్స్పెక్టర్ పాములపర్తి సుధాకర్ అడ్డుకున్నారు. దాంతో వీహెచ్ విశ్వరూపం ప్రదర్శించారు.
మీడియా పాయింట్ వద్ద ప్రస్తుత సభ్యులే మాట్లాడాలని, మాజీలకు అవకాశం లేదని, అందువల్ల వెళ్లిపోవాలని సుధాకర్ మర్యాదపూర్వకంగా చెప్పినా వీహెచ్ వినిపించుకోలేదు. 'మేం మాట్లాడానికి కూడా మీ అనుమతి తీసుకోవాలా?. ఇదేనా ప్రజాస్వామ్యం?.' అంటూ మండిపడ్డారు.
తిట్ల వర్షంతో మనస్తాపం చెందిన సుధాకర్ అక్కడి నుంచి వెళ్లిపోయారు. ఆ తర్వాత తన వేదనను ఫేస్బుక్లో పోస్ట్ చేశారు. "దళితుడిని అయినందుకే వీహెచ్ నన్ను దూషించారు. అసభ్యకర వ్యాఖ్యలతో తీవ్ర మనస్తాపం చెందాను. ఈ విషయమై ఉన్నతాధికారులకు ఫిర్యాదు చేశా. కానీ, ఎలాంటి స్పందన రాలేదు. అందుకే ఉద్యోగానికి రాజీనామా చేయాలనుకుంటున్నాను" అని పోస్టు చేశారు.
ఇరవై ఏళ్ల సర్వీసులో ఎలాంటి ఆరోపణలు లేకుండా విధులు నిర్వహించానని, ఎప్పుడూ ఇలాంటి అవమానం జరుగలేదని అన్నారు. డ్యూటీలో ఉన్న తనను దూషించిన వీహెచ్పై శుక్రవారం సైఫాబాద్ పోలీసు స్టేషన్లో ఇన్స్పెక్టర్ సుధాకర్ ఫిర్యాదు చేశారు. ఫిర్యాదు స్వీకరించిన పోలీసులు, ఐపీసీ 353, 294-బి, 504 సెక్షన్ల కింద వీహెచ్పై కేసు నమోదు చేశారు.
-
ఈ అరటి కాయల మధ్య ఉన్న పామును కనిపెట్టగలరా..? -
బంగారం ధరల అంచనాలు తలకిందులు -
తులా రాశి, వృశ్చిక రాశి ఏప్రిల్ నెల జాతక ఫలం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
బంగారం ధరలు అధోగతి- కనీవినీ ఎరుగనంత పతనం -
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
ఇరాన్ ను లేపేద్దాం రండి: ప్రపంచ దేశాలకు నెతన్యాహు పిలుపు -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
క్రికెట్ రాజకీయాలకు బలైన రియల్ లైఫ్ 'ధురంధర్' ఆదిత్య ధర్! -
విజయ్ సంచలనం.. టీవీకే అభ్యర్థుల ఫుల్ జాబితా విడుదల.. -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
మకరరాశి వార్షిక జాతకం ఇలా.. ఈ ఏడాది విశేష లాభాలు!
Click it and Unblock the Notifications
Sign in with Google