అమెరికాలో దండి యాత్ర

మహాత్మా గాంధీ దండి యాత్ర స్ఫూర్తితో అమెరికాలోని ఎన్నారైలు దండి యాత్ర - 2 నిర్వహించారు. భారతదేశంలో అవినీతికి వ్యతిరేకంగా ప్రచారం చేసే కార్యక్రమంలో భాగంగా వారు ఈ యాత్ర చేపట్టారు దండియాత్ర అమెరికాలోని పది రాష్ట్రాల్లో సాగింది. కాలిఫోర్నియాలోనే పది నగరాల్లో సాగింది. ఈ దండియాత్ర శాన్ ఫ్రాన్సిస్కోలోని గాంధీ విగ్రహం వద్ద మార్చి 26వ తేదీన ముగిసింది. ఈ యాత్ర మార్చి 12వ తేదీన ప్రారంభమైంది. జవహర్ కంభంపాటి, శ్రీహరి అట్లూరిల నేతృత్వంలోని రోజుకు 240 మైళ్ల యాత్ర 15 రోజుల పాటు సాగింది.

కామన్ వెల్త్ క్రీడలు, ఆదర్శ్ హౌసింగ్, మైనింగ్ లీజుల కుంభకోణాల వంటి అవినీతి కార్యక్రమాల నేపథ్యంలో అవినీతిని అరికట్టాలని డిమాండ్ చేస్తూ ఈ యాత్ర సాగింది. అవినీతిని అరికట్టడానికి జన్ లోక్‌పాల్ బిల్లు తేవాలని వారు డిమాండ్ చేశారు. కరప్షన్ కో హటానా హై.. భారత్‌ కో బచానా హై వంటి నినాదాలు చేశారు. దండియాత్ర ముగింపు కార్యక్రమానికి పెద్ద యెత్తున ఎన్నారైలు హాజరయ్యారు.

శాన్ ఫ్రాన్సిస్కోలో 150 మంది, సియాటిల్‌లో 100 మంది, న్యూజెర్సీలో వంద మంది, హూస్టన్‌లో వంద మంది, కార్బొండేల్‌లో 70 మంది దండియాత్ర సందర్భంగా సమ్మేళనాలు నిర్వహించారు. భారతదేశంలోని ముంబై, బెంగళూర్, హైదరాబాద్, చెన్నై, కోల్‌కత్తా, భువనేశ్వర్, నాగపూర్, అహ్మదాబాదు వంటి నగరాల్లో కూడా దండియాత్ర కార్యక్రమాలు సాగాయి. దండియాత్ర ముగింపు సందర్భంగా జవహర్ కంభంపాటి శాన్ ఫ్రాన్సిస్కోలోని గాంధీ విగ్రహానికి వినతిపత్రం సమర్పించారు. అన్నా హజారే ఏప్రిల్ 5వ తేదీన ఢిల్లీలో తలపెట్టిన దీక్షకు సుభాష్ కర్రి తదితరులు పాల్గొనడానికి సమాయత్తమవుతున్నారు.

English summary

While Dandi March I was a campaign of nonviolent protest against the British salt monopoly in colonial India, Dandi march II is a campaign against the Corruption in India. Dandi march II – happened in 10 states in USA and in the state of California alone marchers covered 45 cities and ended at Gandhi Statue at San Francisco.