రక్త చంద్ర గ్రహణం- అయిదు ఆసక్తికరమైన విషయాలు..!!

Lunar eclipse 2025: నేడు చంద్ర గ్రహణం ఏర్పడబోతోంది. ఇది- పౌర్ణమి రోజున రాహుగ్రస్త కాలంలో శతభిష నక్షత్రంలో ఏర్పడనున్న సంపూర్ణ చంద్ర గ్రహణం. 2022 తరువాత ఇలాంటి ఘటన సంభవించబోతోండటం ఇదే తొలిసారి. ఆ రోజు నుంచే పితృపక్షం ఆరంభం కాబోతోండటం ప్రాధాన్యతను సంతరించుకుంది. భారత్ సహా ప్రపంచవ్యాప్తంగా పలు దేశాల్లో ఈ గ్రహణం కనువిందు చేయనుంది.

రాత్రి 9:57 నిమిషాలకు గ్రహణ కాలం ఆరంభమౌతుంది. 82 నిమిషాల పాటు కొనసాగుతుంది. అత్యంత సుదీర్ఘ గ్రహణ కాలం ఇది. 11 గంటల సమయానికి సంపూర్ణ చంద్రగ్రహణం ఏర్పడుతుంది. 11:42 నిమిషాలకు చంద్రుడు పరిపూర్ణంగా గ్రహణ ఛాయలోకి వెళ్లిపోతాడు. అర్ధరాత్రి దాటిన తరువాత 12:22 నిమిషాలకు గ్రహణం విడుస్తుంది. వేకువ జామున 1:26 నిమిషాలకు గ్రహణం పూర్తిగా వీడిపోతుంది.

• ఢిల్లీ, చండీగఢ్, జైపూర్, లక్నో, ముంబై, అహ్మదాబాద్, పూణే, చెన్నై, బెంగళూరు, హైదరాబాద్, కొచ్చి, కోల్ కత, భువనేశ్వర్, గౌహతి, భోపాల్, నాగ్‌పూర్, రాయ్‌పూర్ వంటి నగరాల్లో ఈ గ్రహణం కనిపిస్తుంది. సూర్యుడు, చంద్రుని మధ్య భూమి నేరుగా ప్రయాణిస్తుంది. ఆ సమయంలో చంద్రుని ఉపరితలంపై భూమి ఛాయ పడుతుంది. ఆ సమయంలో చంద్రుడు ఎరుపు-నారింజ రంగులో కనువిందు చేస్తాడు.

• భారత్ సహా ఆసియా, పశ్చిమ ఆస్ట్రేలియా, తూర్పు ఆఫ్రికా దేశాల్లో ఈ గ్రహణం పూర్తిగా కనిపిస్తుంది. యూరప్, ఆసియా, ఆస్ట్రేలియా, ఆఫ్రికా, ఉత్తర అమెరికాలో పశ్చిమ, దక్షిణ అమెరికాలో తూర్పు, పసిఫిక్, అట్లాంటిక్, హిందూ మహాసముద్రం, ఆర్కిటిక్, అంటార్కిటికా పరిధుల్లోని అన్ని దేశాలు ఈ చంద్రగ్రహణాన్ని చూడగలవు.

• చంద్రగ్రహణాన్ని వీక్షించడానికి ఎటువంటి రక్షణ పరికరాలు అవసరం లేదు. నేరుగా చూడొచ్చు. చందమామపై ఉన్న బిలాలు, ఉపరితలం, అక్కడి పరిస్థితులు, ఎరుపు- నారింజ రంగులను మరింత లోతుగా తిలకించాలంటే మాత్రం బైనాక్యులర్స్ లేదా స్పేస్ టెలిస్కోప్ లను ఉపయోగించవచ్చు. దీన్ని చిత్రీకరించడానికి, డీఎస్ఎల్ఆర్ లేదా స్మార్ట్‌ఫోన్‌ కు ట్రైపాడ్‌పై అమర్చాలి. 1-2 సెకన్ల లాంగ్ ఎక్స్‌పోజర్లు ఉంటే మంచి వీడియో తీయవచ్చు.

• ఈ చంద్రగ్రహణానికి బడ్ల మూన్ గా పిలుస్తోన్నారు. ఎరుపు రంగు 'రేలీ స్కాటరింగ్' అనే దృగ్విషయం వల్ల ఇది ఏర్పడుతుంది. సూర్యరశ్మి భూ వాతావరణం గుండా వెళుతున్నప్పుడు, నీలి రంగు తరంగ దైర్ఘ్యాలు చెల్లాచెదురవుతుంటాయి. ఎరుపు రంగులో ఉండే తరంగదైర్ఘ్యాలు చంద్రుడిని చేరుకుంటుంటయి. ఈ ప్రక్రియ చంద్రుడి ఉపరితలంపై ఎరుపు రంగును సృష్టిస్తుంది. అందుకే దీన్ని మూన్ ఎఫెక్ట్ అని అంటారు.

• భూమికి సంబంధించిన యాంబ్రల్ షాడోలో వెళ్తాడు చంద్రుడు. దీనివల్ల సాధారణంగా కంటే కూడా ఎరుపు రంగు మరింత ముదురుగా కనిపిస్తుంది. నిండుగా ఉంటుంది. ఈ గ్రహణం చాలా అద్భుతంగా ఉంటుందని స్కైగేజర్స్ చెబుతున్నారు. భూమికి అత్యంత సమీపంలో ఉండే 'పెరిజీ'కి చేరుకోవడానికి అతి సమీపంలో సంభవిస్తోన్నందున చంద్రుడు సాధారణం కంటే కొంచెం పెద్దగా, మరింత ప్రకాశవంతంగా కనిపిస్తాడు.

English summary

The Moon appeared as Red and its called blood on the day of Lunar eclipse 2025. The striking reddish hue occurs due to a phenomenon known as Rayleigh scattering. As sunlight passes through the Earth’s atmosphere, shorter blue wavelengths scatter away. గ్రహణం పట్టిన చంద్రుడిని బ్లడ్ మూన్ గా పిలవడానికి గల కారణాలు: యాంబ్రెల్ షాడో అంటే అర్థం ఏమిటీ