Video: 54 నిమిషాల సంపూర్ణ గ్రహణం, అద్భుత దృశ్యం

మానవ చరిత్రలో మరో సువర్ణ అధ్యాయం లిఖించబడింది! దశాబ్దాల నిరీక్షణ తర్వాత, చంద్రుడి చెంతకు చేరిన నలుగురు సాహసవీరులు ఇప్పుడు విజయగర్వంతో భూమి వైపు పయనిస్తున్నారు. గతంలో ఎన్నడూ ఏ మానవుడూ వెళ్లనంత దూరం అంతరిక్షంలోకి ప్రయాణించి, జాబిల్లి రహస్యాలను కళ్లకు కట్టినట్లు చూసిన నాసా 'ఆర్టెమిస్ II' వ్యోమగాములు.. శుక్రవారం సాయంత్రం పసిఫిక్ మహాసముద్రంలో ల్యాండ్ కాబోతున్నారు.

నాసా ఆర్టెమిస్ II మిషన్ కేవలం ఒక పరీక్షా ప్రయాణం మాత్రమే కాదు, అది మానవ మేధస్సుకు నిదర్శనం. నలుగురు వ్యోమగాములు రీడ్ వైస్‌మన్, విక్టర్ గ్లవర్, క్రిస్టినా కోచ్ , జెరెమీ హాన్సెన్‌లు చంద్రుడిని చుట్టి వస్తూ, గతంలో ఎవరూ చూడని అద్భుత దృశ్యాలను వీక్షించారు. ముఖ్యంగా చంద్రుడిపై ఉన్న 'ఓరియంటల్ బేసిన్'ను వారు చూసిన తీరు అద్భుతం. 600 మైళ్ల వెడల్పు ఉన్న ఈ భారీ బిలాన్ని చంద్రుడి 'గ్రాండ్ కాన్యన్'గా పిలుస్తారు. దీని ఆకారం ఆకాశం నుంచి చూస్తే ఒక 'ముద్దు' (Lips) లాగా కనిపిస్తుందని కమాండర్ వైస్‌మన్ అభివర్ణించడం విశేషం.

ఆనందంతో కేకలు.. అంతరిక్షంలో 'కారోల్' నామకరణం!

చంద్రుడి ఉపరితలాన్ని అంతరిక్ష శిలలు ఢీకొట్టినప్పుడు ఏర్పడే మెరుపులను (Impact Flashes) నేరుగా చూసిన వ్యోమగాములు ఆనందంతో కేకలు వేశారని నాసా శాస్త్రవేత్త కెల్సీ యంగ్ తెలిపారు. ఆధునిక కెమెరాలు ఉన్నా, మానవ కన్ను మాత్రమే గుర్తించగల రంగులు, ఆకృతుల సూక్ష్మ మార్పులను వారు క్షుణ్ణంగా పరిశీలించారు. ఈ క్రమంలో, తమ 'ఇంటిగ్రిటీ' నౌక పేరు మీద ఒక బిలానికి, అలాగే కమాండర్ వైస్‌మన్ దివంగత భార్య గౌరవార్థం మరొక బిలానికి 'కారోల్' అని పేరు పెట్టడం అందరినీ భావోద్వేగానికి గురిచేసింది.

జీరో గ్రావిటీలో 'న్యూటెల్లా' హల్చల్!

ఈ సీరియస్ మిషన్‌లో ఒక సరదా సన్నివేశం కూడా చోటుచేసుకుంది. అంతరిక్ష నౌకలోని వంటగది నుంచి ఒక న్యూటెల్లా (Nutella) జీరో గ్రావిటీలో తేలుతూ లైవ్‌స్ట్రీమ్‌లో కనిపించింది. అది అనుకోకుండా కెమెరా ముందుకు రావడంతో, ప్రపంచవ్యాప్తంగా నెటిజన్లు ఫిదా అయ్యారు. "ఏ మార్కెటింగ్ ఏజెన్సీ కూడా ఇంతకంటే గొప్పగా తమ బ్రాండ్‌ను ప్రమోట్ చేయలేదు" అంటూ సోషల్ మీడియాలో కామెంట్స్ వెల్లువెత్తాయి. ఇది వ్యోమగాముల దైనందిన జీవితంలోని సహజత్వాన్ని ప్రపంచానికి చాటిచెప్పింది.

భూమికి వచ్చే దారిలో.. కీలక పరీక్షలు!

భూమికి తిరిగి వచ్చే క్రమంలో వ్యోమగాములు అత్యంత కీలకమైన 'ఆర్థోస్టాటిక్ ఇంటాలరెన్స్ గార్మెంట్'ను ధరించి పరీక్షించనున్నారు. అంతరిక్షం నుంచి తిరిగి భూమి గురుత్వాకర్షణలోకి వచ్చినప్పుడు రక్తపోటు అకస్మాత్తుగా పడిపోకుండా కాపాడే ప్రత్యేక వస్త్రం ఇది. ఇప్పటికే ఓరియన్ నౌక తన ట్రస్టర్లను 15 సెకన్ల పాటు మండించి, భూమి వైపు తన వేగాన్ని సెట్ చేసుకుంది.

శుక్రవారమే ఆ 'మహా ల్యాండింగ్'!

షెడ్యూల్ ప్రకారం, ఆర్టెమిస్ II నౌక ఏప్రిల్ 10, శుక్రవారం రాత్రి 8:07 గంటలకు (EDT) (భారత కాలమానం (IST) ప్రకారం: ఏప్రిల్ 11, శనివారం ఉదయం 5:37 గంటలకు) శాన్ డియాగో తీరంలో పసిఫిక్ మహాసముద్రంలో దిగనుంది. ల్యాండింగ్ తర్వాత రెస్క్యూ టీమ్స్ హెలికాప్టర్ల ద్వారా వ్యోమగాములను వెలికితీసి 'USS జాన్ పి. మూర్తా' యుద్ధనౌకకు చేరుస్తారు. అక్కడి మెడికల్ బేలో పరీక్షల అనంతరం వారు హ్యూస్టన్‌లోని తమ నివాసాలకు చేరుకుంటారు. చంద్రుడిపై మనిషి మళ్ళీ అడుగు పెట్టే (ఆర్టెమిస్ III) మహా యజ్ఞానికి ఈ మిషన్ ఒక బలమైన పునాది వేసింది.

It's not just a phase 🌕

Artemis II astronauts captured these views of the Moon as the Orion spacecraft flew around the far side of the Moon on April 6, 2026. pic.twitter.com/lT7245Gp28

— NASA (@NASA) April 8, 2026

English summary

After a historic journey around the Moon, the NASA Artemis II crew is set to land in the Pacific Ocean this Friday. From witnessing 3.8 billion-year-old lunar basins to naming new craters and surviving zero-gravity with Nutella, discover the incredible highlights of this record-breaking mission.