iQOO Z11x 5G లాంఛ్.. 7200mAh భారీ బ్యాటరీ, 50mp కెమెరా !!

మారుతున్న టెక్నాలజీకి అనుగుణంగా ప్రముఖ స్మార్ట్ ఫోన్ బ్రాండ్ iQOO ఎదుగుతోంది. కస్టమర్ల కోసం ఎప్పటికప్పుడు నూతన సిరీస్ లతో మార్కెట్ ను పెంచుకుంటూనే ఉంటుంది. దీంతో భారత స్మార్ట్‌ఫోన్ మార్కెట్‌లో బడ్జెట్-ఫ్రెండ్లీ సెగ్మెంట్‌లో మరో బలమైన పోటీదారుగా మారుతోంది. ఈ క్రమంలోనే లేటెస్ట్ గా తమ కొత్త స్మార్ట్‌ఫోన్ iQOO Z11x 5G ఎంట్రీ ఇచ్చింది. ఈ కొత్త మోడల్‌ను భారత మార్కెట్లో అధికారికంగా లాంచ్ చేసింది.

కాగా ఈ స్మార్ట్ ఫోన్ మార్చి 12, 2026న సాయంత్రం 3:26 గంటలకు విడుదలైంది. శక్తివంతమైన ప్రాసెసర్, భారీ బ్యాటరీ, అధిక రిఫ్రెష్ రేట్ డిస్‌ప్లే వంటి ఆకర్షణీయమైన ఫీచర్లతో ఈ మోడల్ వినియోగదారుల దృష్టిని ఆకర్షిస్తోంది. ఈ ఫోన్ గత సంవత్సరం విడుదలైన iQOO Z10x 5G కు వారసత్వంగా వచ్చింది. మునుపటి మోడల్‌లో ఉన్న చిప్‌సెట్‌తో పోలిస్తే ఈసారి మరింత శక్తివంతమైన ప్రాసెసర్‌ను కంపెనీ అందించింది.

iQOO Z11x 5G ఫీచర్స్..

ప్రాసెసర్..

ఈ ఫోన్‌లో MediaTek Dimensity 7400 Turbo ప్రాసెసర్‌ను ఉపయోగించారు. 4nm టెక్నాలజీ ఆధారంగా రూపొందించిన ఈ చిప్‌సెట్ 2.5GHz వరకు క్లాక్ స్పీడ్‌ను అందిస్తుంది. గ్రాఫిక్స్ పనితీరును మెరుగుపరచేందుకు Mali-G615 MC2 GPUను జత చేశారు. కంపెనీ ప్రకారం ఈ ప్రాసెసర్ దాదాపు 10 లక్షల వరకు AnTuTu స్కోర్ సాధించగలదని పేర్కొంది. ఇది గేమింగ్, మల్టీటాస్కింగ్ వంటి పనుల్లో మంచి పనితీరును అందిస్తుందని చెప్పింది.

డిస్‌ప్లే & డిజైన్..

iQOO Z11x 5Gలో 6.76 అంగుళాల Full HD+ (2408×1080 pixels) LCD డిస్‌ప్లే అందించారు. ఈ డిస్‌ప్లేకు 120Hz రిఫ్రెష్ రేట్ సపోర్ట్ ఉంది. దీంతో స్క్రోలింగ్, గేమింగ్ అనుభవం మరింత స్మూత్‌గా ఉంటుంది. అదనంగా గరిష్టంగా 1200 నిట్స్ బ్రైట్‌నెస్ సపోర్ట్ ఉండటంతో సూర్యకాంతిలో కూడా స్క్రీన్ స్పష్టంగా కనిపిస్తుంది.

భారీ బ్యాటరీ..

ఈ ఫోన్‌లో ప్రధాన ఆకర్షణ 7200mAh భారీ బ్యాటరీ. గత మోడల్‌లో ఉన్న 6500mAh బ్యాటరీ కంటే ఇది పెద్దది. దీన్ని 44W ఫాస్ట్ ఛార్జింగ్ సపోర్ట్‌తో అందించారు. ఒకసారి ఛార్జ్ చేస్తే ఎక్కువసేపు ఉపయోగించుకోవచ్చని కంపెనీ చెబుతోంది. గేమింగ్, వీడియో స్ట్రీమింగ్, సోషల్ మీడియా వంటి పనులు ఎక్కువసేపు చేసే వినియోగదారులకు ఇది ఉపయోగకరంగా ఉంటుంది.

కెమెరా..

ఫోటోగ్రఫీ కోసం ఫోన్ వెనుక భాగంలో డ్యూయల్ కెమెరా సెటప్ ఇచ్చారు. ఇందులో Sony సెన్సర్‌తో కూడిన 50MP ప్రధాన కెమెరా (f/1.8) ఉంది. దీనికి 2MP డెప్త్ సెన్సర్ (f/2.4) కూడా జత చేశారు. LED ఫ్లాష్ సపోర్ట్ కూడా ఉంది. సెల్ఫీలు, వీడియో కాల్స్ కోసం ముందు భాగంలో 32MP ఫ్రంట్ కెమెరా ఇచ్చారు. ముఖ్యంగా ఫ్రంట్ కెమెరా కూడా 4K వీడియో రికార్డింగ్కు సపోర్ట్ చేయడం ప్రత్యేకతగా చెప్పవచ్చు.

సాఫ్ట్‌వేర్ & డ్యూరబిలిటీ..

సాఫ్ట్‌వేర్ పరంగా ఈ ఫోన్ Android 16 ఆధారిత Funtouch OS పై పనిచేస్తుంది. కంపెనీ 2 సంవత్సరాల Android అప్‌డేట్లు, 4 సంవత్సరాల సెక్యూరిటీ అప్‌డేట్లు అందిస్తామని ప్రకటించింది. డ్యూరబిలిటీ విషయానికి వస్తే ఈ ఫోన్‌కు IP68 మరియు IP69 డస్ట్ & వాటర్ రెసిస్టెన్స్ రేటింగ్‌లు ఉన్నాయి. అంతేకాకుండా MIL-STD-810H మిలిటరీ గ్రేడ్ డ్యూరబిలిటీ సర్టిఫికేషన్ కూడా లభించింది.

ఇతర ఫీచర్లు..

సైడ్ మౌంటెడ్ ఫింగర్‌ప్రింట్ సెన్సర్

స్టీరియో స్పీకర్స్

ఇన్‌ఫ్రారెడ్ సెన్సర్

USB Type-C పోర్ట్

5G SA / NSA నెట్‌వర్క్ సపోర్ట్

Wi-Fi 6

Bluetooth 5.4

GPS సపోర్ట్

స్టోరేజ్..

ఇది 6GB / 8GB LPDDR4x RAM మరియు 128GB / 256GB UFS 3.1 స్టోరేజ్ వేరియంట్‌లలో అందుబాటులో ఉంటుంది.

కలర్స్..

టైటాన్ బ్లాక్

ప్రిస్మటిక్ గ్రీన్

ధర..

6GB RAM + 128GB స్టోరేజ్ - ₹18,999

8GB RAM + 128GB స్టోరేజ్ - ₹20,999

8GB RAM + 256GB స్టోరేజ్ - ₹22,999

అమ్మకాలు ఎప్పుడు ప్రారంభం?

ఈ స్మార్ట్‌ఫోన్ మార్చి 16 నుంచి Amazon మరియు iQOO ఇండియా అధికారిక ఆన్‌లైన్ స్టోర్‌లో కొనుగోలుకు అందుబాటులో ఉంటుంది. లాంచ్ ఆఫర్‌లలో భాగంగా ఎంపిక చేసిన బ్యాంక్ క్రెడిట్ కార్డులతో కొనుగోలు చేస్తే ₹2,000 వరకు తక్షణ డిస్కౌంట్ లభిస్తుంది. అదనంగా 6 నెలల వరకు నో-కాస్ట్ EMI సదుపాయం కూడా అందుబాటులో ఉంది. భారీ బ్యాటరీ, శక్తివంతమైన ప్రాసెసర్, అధునాతన ఫీచర్లతో ఈ మిడ్-రేంజ్ స్మార్ట్‌ఫోన్ మార్కెట్లో మంచి పోటీ ఇవ్వగలదని టెక్ విశ్లేషకులు అభిప్రాయపడుతున్నారు.

English summary

iQOO has officially launched its latest flagship-level smartphone, the iQOO Z11 Turbo, in the Chinese market. The phone is impressing tech enthusiasts with its massive battery, top-notch processor, and features designed specifically for gaming.