ట్రైనింగ్ లో 270 కిలోల రాడ్డు మీద పడి.. యువ అథ్లెట్ మృతి

ట్రైనింగ్ లో భాగంగా పవర్ లిఫ్టింగ్ చేస్తూ యువ అథ్లెట్ మృతి చెందింది. ఈ విషాద ఘటన రాజస్థాన్ లోని బికనూర్ జిల్లాలో జరిగింది. మహిళా పవర్ లిఫ్టర్ యశ్తికా ఆచార్య(17) ట్రైనింగ్ లో భాగంగా పవర్ లిఫ్టింగ్ చేస్తుండగా 270 కేజీల రాడ్డు ప్రమాదవశాత్తు ఆమె మెడ మీడ పడింది. దీంతో యశ్తికా మెడ విరిగి ఊపిరి అందక కుప్పకూలిపోయింది. వెంటనే జిమ్ సిబ్బంది ఆమెను స్థానిక ఆస్పత్రికి తరలించారు. అయితే అప్పటికే ఆమె మృతి చెందినట్లు వైద్యులు ధ్రువీకరించారు. అయితే ఈ ఘటనలో ట్రైనర్ కు కూడా స్వల్ప గాయాలు అయినట్లు సమాచారం. ఆమె ట్రైనింగ్ లో కుప్పకూలిన వీడియో ప్రస్తుతం సోషల్ మీడియాలో వైరల్ గా మారింది.

ఈ ఘటనపై ఎలాంటి కేసు నమోదు కాలేదని బికనూర్ స్టేషన్ హెడ్ ఆఫీసర్ తెలిపారు. మృతదేహాన్ని పోస్ట్ మార్టం తర్వాత కుటుంబసభ్యులకు అందించినట్లు తెలిపారు. యశ్తికా పవర్ లిఫ్టింగ్ లో ట్రైనింగ్ తీసుకుంటోంది. ఇప్పటికే ఆమె జూనియర్ స్థాయిలో పవర్ లిఫ్టింగ్ లో అనేక పతకాలు సాధించినట్లు ఆమె కుటుంబసభ్యులు తెలిపారు.

खौफनाक VIDEO..

बीकानेर में 17 वर्षीय वेटलिफ्टर यष्टिका आचार्य की मौत, ट्रेनिंग के दौरान उठा रही थी 270 किलो वजन#Bikaner । #Rajasthan pic.twitter.com/2L9UAb1Jeu

— NDTV India (@ndtvindia) February 19, 2025

ఇక ట్రైనింగ్, ప్రాక్టీస్ సమయాల్లో ఆటగాళ్లు మృతి చెందడం అరుదుగా జరుగుతుందని క్రీడా నిపుణులు చెబుతున్నారు. 2014లో ఆస్ట్రేలియాకు చెందిన క్రికెట్ ప్లేయర్ బంతి తగిలి మైదానంలోనే కుప్పకూలి మృతిచెందాడు. ఈ ఘటన అప్పుడు సంచలనంగా మారింది.