బెస్ట్ టేస్టుతో "చుక్కకూర పప్పు" ఎలా చేయాలంటే..

తెలుగు రాష్ట్రాల్లోనే కాకుండా దేశవ్యాప్తంగా ప్రాచుర్యం పొందిన సాంప్రదాయ వంటకం "పప్పు". పప్పు ఆరోగ్యానికి ఎంతో మేలు చేస్తుంది. ఇందులో ఉండే ఐరన్, కాల్షియం, ప్రొటీన్లు శరీరానికి అవసరమైన పోషకాలను సమృద్ధిగా ఉంటాయి. సాదాసీదా పదార్థాలతో తయారవుతూనే, అత్యద్భుతమైన రుచిని అందించే ఈ వంటకం కుటుంబంలో చిన్నవారికి, పెద్దవారికి సమానంగా ఇష్టమవుతుంది. అయితే పప్పులో పలు రకాలు ఉంటాయి.

కాగా వేసవిలో గానీ, చలికాలంలో గానీ అన్నంలోకి బాగా సరిపడే, ఆరోగ్యానికి మేలు చేసే వంటకం చుక్కకూర పప్పు. ఇనుము, ఫైబర్‌, విటమిన్లతో నిండిన చుక్కకూరను పప్పుతో కలిపి వండితే రుచి, పోషకాలు రెండూ ఒకేసారి దొరుకుతాయి. ఇప్పుడు ఇంట్లోనే రుచికరంగా, సంప్రదాయ పద్ధతిలో చుక్కకూర పప్పు ఎలా తయారు చేసుకోవాలో మీకోసం ప్రత్యేకంగా ..

కావలసిన పదార్థాలు..

కందిపప్పు / పెసరపప్పు - 1 కప్పు

చుక్కకూర - 1 పెద్ద కట్ట

ఉల్లిపాయ - 1 (సన్నగా తరిగినది)

టమాట - 1 (తరిగినది)

పచ్చిమిర్చి - 2-3 (చీల్చినవి)

అల్లం-వెల్లుల్లి పేస్ట్ / తరిగినది - 1 టీస్పూన్

పసుపు - ½ టీస్పూన్

ఉప్పు - రుచికి సరిపడా

నెయ్యి లేదా నూనె - 1-2 టీస్పూన్లు

ఆవాలు - ½ టీస్పూన్

జీలకర్ర - ½ టీస్పూన్

ఇంగువ - చిటికెడు (ఐచ్చికం)

కరివేపాకు - కొద్దిగా

కొత్తిమీర - సన్నగా తరిగినది

తయారీ విధానం..

కందిపప్పు లేదా పెసరపప్పును శుభ్రంగా కడిగి, కుక్కర్‌లో తగినంత నీరు, కొద్దిగా పసుపు వేసి మెత్తగా ఉడికించాలి. (ప్రెషర్ కుక్కర్‌లో అయితే 3-4 విజిల్స్ సరిపోతాయి )

ఒక పాన్‌లో నెయ్యి లేదా నూనె వేడి చేయాలి. ఆవాలు, జీలకర్ర, ఇంగువ వేసి చిటపటలాడనివ్వాలి

తర్వాత ఉల్లిపాయలు, పచ్చిమిర్చి, అల్లం-వెల్లుల్లి వేసి మగ్గే వరకు వేయించాలి

టమాట ముక్కలు వేసి మెత్తబడే వరకు ఉడికించాలి

ఉడికించిన పప్పును పాన్‌లోకి వేసి బాగా కలపాలి

శుభ్రం చేసి సన్నగా తరిగిన చుక్కకూర, ఉప్పు, కొద్దిగా పసుపు వేసి కలపాలి

మీడియం మంటపై చుక్కకూరలోని నీరు ఇంకిపోయే వరకు ఉడికించాలి

ఇప్పుడు చిన్న పాన్‌లో నెయ్యి వేడి చేసి ఆవాలు, జీలకర్ర, కరివేపాకు వేసి వేయించాలి

ఈ తాలింపును పప్పులో వేసి కలపాలి

సర్వ్ చేయడం..

పైపైకి సన్నగా తరిగిన కొత్తిమీర చల్లి వేడి వేడి అన్నంలో కొద్దిగా నెయ్యి వేసుకుని తింటే అదిరిపోయే రుచి వస్తుంది.

టిప్స్..

మరింత రుచికి కొద్దిగా పచ్చి మిరియాల పొడి లేదా వెల్లుల్లి తాలింపు వేయవచ్చు

పిల్లలకు ఇష్టంగా ఉండాలంటే పెసరపప్పు వాడటం మంచిది

తక్కువ నూనెతో కూడా ఈ కూర చాలా టేస్టీగా ఉంటుంది

ఈ విధంగా తయారు చేసిన చుక్కకూర పప్పు రుచికరంగా ఉండటమే కాదు, ఆరోగ్యానికి కూడా ఎంతో మేలు చేస్తుంది. రోజూ తినే భోజనంలో ఇలాంటి ఆకుకూరలు చేర్చితే శరీరం ఎప్పుడూ ఫిట్‌గా ఉంటుంది.

చుక్కకూర పప్పు - ఆరోగ్య ప్రయోజనాలు..

రక్తహీనత (అనీమియా) నివారణకు ఉపయుక్తం

జీర్ణశక్తిని మెరుగుపరుస్తుంది

శరీరానికి చలవ చేస్తుంది

ప్రోటీన్లు, ఐరన్‌ సమృద్ధిగా లభిస్తాయి

పిల్లల నుంచి పెద్దల వరకు అందరికీ సరిపడే వంటకం

English summary

Pappu is a traditional dish that has been popular not only in the Telugu states but also across the country for generations.