నటి లైంగిక దాడి కేసు: బహుబాష నటుడు లాల్, ముగ్గురు ఎమ్మెల్యేల విచారణ, దిలీప్ తో !

ప్రముఖ నటి కిడ్నాప్, లైంగిక దాడి కేసులో మలయాళం సినీ ప్రముఖులను విచారించిన కేరళ పోలీసులు ఇప్పుడు రాజకీయ పార్టీల నాయకుల మీద దృష్టి సారించారు.

కొచ్చి: ప్రముఖ నటి కిడ్నాప్, లైంగిక దాడి కేసులో మలయాళం సినీ ప్రముఖులను విచారించిన కేరళ పోలీసులు ఇప్పుడు రాజకీయ పార్టీల నాయకుల మీద దృష్టి సారించారు. నటి లైంగిక దాడి కేసులో మాలీవుడ్ ప్రముఖ నటుడు దిలీప్ ను ఇప్పటికే పోలీసులు అరెస్టు చేశారు.

దిలీప్ తో సన్నిహిత సంబంధాలు ఉన్న ప్రముఖ మలయాళం దర్శకుడు, బహుబాష నటుడు లాల్, కేరళ శాసన సభ్యుడు పీటీ. థామస్ (కాంగ్రెస్) తో సహ మరో ఇద్దరు అధికార పార్టీ ఎమ్మెల్యేలను విచారణ చెయ్యడానికి కేరళ పోలీసులు రంగం సిద్దం చేశారు.

నటి కిడ్నాప్, లైంగిక దాడి కేసులో దిలీప్ కు సహకరించారా ? ఈ కేసుతో ప్రత్యేక్షంగా, పరోక్షంగా ఏమైనా సంబంధాలు ఉన్నాయా ? అని పూర్తి వివరాలు సేకరించడానికి దర్శకుడు, నటుడు లాల్ తో సహ ముగ్గురు ఎమ్మెల్యేలను విచారించాలని పోలీసులు నిర్ణయించారు.

ఇదే విషయాన్ని మలయాళం మీడియా శుక్రవారం వార్తలు ప్రసారం చేసింది. మొత్తం మీద నటి లైంగిక దాడి కేసు ఇంకా ఎంత మంది మెడకు చుట్టుకుంటుందో ? వేచి చూడాలని కేరళ పోలీసులు అంటున్నారు. ఈ కేసు నుంచి పల్సర్ సునీ తప్పించుకోవడానికి రాజకీయ నాయకులు సహకరించారని ఆరోపణలు ఉన్నాయి.

English summary

Malayalam director and actor Lal and MLA P T Thomas are likely to be questioned in the case.