టీచర్ల వర్క్షాప్ లో విషాదం.. గుండె పోటుతో ఉపాధ్యాయుడు మృతి !!
ఖమ్మం నగరంలో విషాద ఘటన చోటుచేసుకుంది. Sri Chaitanya Olympiad School లో నిర్వహిస్తున్న టీచర్ల వర్క్షాప్ సందర్భంగా ఓ ఉపాధ్యాయుడు ఒక్కసారిగా గుండెపోటుతో కుప్పకూలి మృతి చెందడం తీవ్ర విషాదాన్ని నింపింది. మృతుడు గారపాటి జయరాజ్గా గుర్తించారు. ఈ ఘటన స్కూల్ సిబ్బంది, ఉపాధ్యాయ వర్గాల్లో తీవ్ర దిగ్భ్రాంతిని కలిగించింది.
సమాచారం ప్రకారం, ఖమ్మం నగరంలోని శ్రీ చైతన్య ఒలింపియాడ్ స్కూల్లో ఉపాధ్యాయులకు ప్రత్యేక శిక్షణా కార్యక్రమం నిర్వహిస్తున్నారు. ఈ కార్యక్రమంలో భాగంగా గారపాటి జయరాజ్ డెమో క్లాస్ ఇస్తూ ఇతర టీచర్లకు వివరణ అందిస్తున్న సమయంలో అకస్మాత్తుగా అస్వస్థతకు గురయ్యారు. మాట్లాడుతూనే ఒక్కసారిగా కిందపడిపోవడంతో అక్కడున్న టీచర్లు, సిబ్బంది షాక్కు గురయ్యారు.
అతడిని వెంటనే అప్రమత్తమైన తోటి ఉపాధ్యాయులు స్థానిక ఆసుపత్రికి తరలించారు. అయితే అప్పటికే జయరాజ్ మృతి చెందినట్లు వైద్యులు నిర్ధారించారు. గుండెపోటు కారణంగానే ఈ విషాదం జరిగినట్లు ప్రాథమిక సమాచారం. కొన్ని క్షణాల వ్యవధిలోనే ఇలా ప్రాణాలు కోల్పోవడం అందరినీ కలచివేసింది.
ఈ ఘటనకు సంబంధించిన దృశ్యాలు స్కూల్లోని సీసీ కెమెరాల్లో రికార్డయ్యాయి. డెమో ఇస్తూ ఉండగానే జయరాజ్ ఒక్కసారిగా కుప్పకూలిన విజువల్స్ చూసి పలువురు ఆవేదన వ్యక్తం చేస్తున్నారు. ఇటీవల యువతలో, ఉద్యోగుల్లో గుండెపోటు ఘటనలు పెరుగుతున్న నేపథ్యంలో ఈ సంఘటన మరోసారి ఆందోళన కలిగిస్తోంది.
గారపాటి జయరాజ్ తన వృత్తిపట్ల అంకితభావంతో పనిచేసే ఉపాధ్యాయుడిగా గుర్తింపు పొందినట్లు సహచరులు తెలిపారు. విద్యార్థులకు పాఠాలు చెప్పడంలో ఆయనకు ప్రత్యేక శైలి ఉండేదని, ఎప్పుడూ ఉత్సాహంగా కనిపించే వ్యక్తి ఇలా అకస్మాత్తుగా మృతి చెందడం నమ్మలేకపోతున్నామని తోటి టీచర్లు కన్నీటి పర్యంతమయ్యారు.
జయరాజ్ మృతి వార్త తెలుసుకున్న కుటుంబ సభ్యులు ఆసుపత్రికి చేరుకుని కన్నీరు మున్నీరుగా విలపించారు. కుటుంబానికి ఆయన ప్రధాన ఆధారంగా ఉన్నారని, ఈ ఘటనతో కుటుంబం తీవ్ర విషాదంలో మునిగిపోయిందని స్థానికులు తెలిపారు.
స్కూల్ యాజమాన్యం కూడా జయరాజ్ మృతి పట్ల తీవ్ర సంతాపం వ్యక్తం చేసింది. ఆయన సేవలను గుర్తుచేసుకుంటూ నివాళులర్పించింది. ఈ ఘటనతో వర్క్షాప్ను తాత్కాలికంగా నిలిపివేసినట్లు సమాచారం. ప్రస్తుతం ఈ సంఘటన ఖమ్మం విద్యావర్గాల్లో తీవ్ర చర్చనీయాంశంగా మారింది.
Click it and Unblock the Notifications
Sign in with Google