ఫ్రీ బస్సెక్కిన సమంత

Samantha in Maa Inti Bangaaram: పెళ్లి తర్వాత సమంత ఓ లేడీ ఓరియంటెడ్ యాక్షన్ మూవీతో తెరమీదికి వచ్చారు. సుదీర్ఘ విరామం అనంతరం టాలీవుడ్ లో రీఎంట్రీ ఇచ్చారు. ఆమె నటిస్తోన్న తాజా సినిమా.. మా ఇంటి బంగారం. ఆమె ఫస్ట్ లుక్ వెలువడింది. ఈ సినిమా పోస్టర్‌ను యూనిట్ విడుదల చేసింది. టీజర్ ట్రైలర్ రిలీజ్ తేదీని ప్రకటించింది. ఈ నెల 9వ తేదీన ఉదయం 10 గంటలకు టీజర్ ట్రైలర్ విడుదల కానుంది. ఎప్పుడు విడుదల అవుతుందా అనే ఆసక్తిని పెంచింది.

తాజా స్టిల్ లో మాస్ లుక్స్ లో అదరగొట్టారు సమంత. ఓ బస్సులో చీరకట్టులో రగ్డ్ అండ్ సీరియస్ లుక్స్ నిల్చున్న స్టిల్ ఇది. ఈ పోస్టర్.. సినిమాపై మరింత హైప్ ను క్రియేట్ చేసింది. ఈ సినిమాకు నందిని రెడ్డి దర్శకత్వం వహిస్తోన్నారు. 'ఓ బేబీ' వంటి హిట్ తర్వాత సమంత మళ్లీ దర్శకురాలు నందిని రెడ్డితో కలిసి పని చేస్తున్నారు.

కాంతారా ఛాప్టర్ 1 ఫేమ్ గుల్షన్ దేవయ్య, కన్నడ స్టార్ హీరో దిగంత్ ఈ సినిమాలో కీలక పాత్రలు పోషిస్తున్నారు. సంతోష్ నారాయణన్ సంగీతాన్ని అందిస్తోన్నారు. త్రలాల మూవీంగ్ పిక్చర్స్ బ్యానర్ కింద రాజ్ నిడిమోరు, సమంత, హిమాంక్ దువ్వూరు సంయుక్తంగా ఈ సినిమాను నిర్మిస్తోన్నారు. రాజ్ నిడిమోరు, వసంత్ మారిగంటి కథను సమకూర్చారు.

టైటిల్.. చూడ్డానికి ఫ్యామిలీ టైప్ లో కనిపిస్తోంది గానీ యాక్షన్ థ్రిల్లర్ గా తెరకెక్కుతోంది. ది ఫ్యామిలీ మ్యాన్ 2, సిటాడెల్‌ సక్సెస్ కావడంతో ఇదే జానర్ ను సమంత కంటిన్యూ చేస్తోన్నట్టే కనిపిస్తోంది. మా ఇంటి బంగారం'లో బాడీ డబుల్స్ సహాయం లేకుండానే స్టంట్స్ చేయనున్నారు సమంత. సమంత చివరిసారిగా 2025లో కామెడీ హారర్ మూవీ 'శుభం'లో అతిథి పాత్రలో కనిపించారు. ఇప్పుడు ఫుల్ లెంగ్త్ లేడీ ఓరియంటెడ్ సినిమాలో మెరుపులు మెరిపించనున్నారు.

English summary

Samantha’s Maa Inti Bangaram is back in the news. Samantha is producing the film, which was created by her husband, Raj Nidimoru. Today, she shared an important update regarding the project.