AP Inter Exams Schedule: ఏపీలో ఇంటర్ పరీక్షల షెడ్యూల్ ఇదే..!

ఏపీలో వచ్చే ఏడాది జరిగే ఇంటర్ మీడియట్ పరీక్షల షెడ్యూల్ విడుదలైంది. ఈ మేరకు ఇంటర్ ప్రథమ, ద్వితీయ సంవత్సరం, బ్యాక్ లాగ్ పరీక్షల తేదీల్ని ఇంటర్ బోర్డు ఇవాళ విడుదల చేసింది. థియరీ ఎగ్జామ్స్ వరకూ షెడ్యూల్ ను బోర్డు ప్రకటించింది. ఇంటర్ రెండు సంవత్సరాలకు వేర్వేరు తేదీల్లో పరీక్షలు నిర్వహించబోతున్నారు. రెండు సంవత్సరాల విద్యార్ధులకు ఉదయం సెషల్ లోనే (9 గంటల నుంచి 12 గంటల వరకూ) ఈ పరీక్షలు జరుగుతాయి.

ముందుగా వచ్చే ఏడాది ఫిబ్రవరి 23న ఇంటర్ ఫస్టియర్ రెగ్యులర్ విద్యార్ధులకు పేపర్ 1 తెలుగు, సంస్కృతం, ఉర్దూ, హిందీ వంటి భాషా పరీక్ష జరగనుంది. అదే రోజు బ్యాక్ లాగ్ విద్యార్ధులకు పార్ట్ 2 సెకండ్ లాంగ్వేజ్ పేపర్ 1 ఉంటుంది. 25న రెగ్యులర్ విద్యార్ధులకు ఇంగ్లీష్ పేపర్ 1, బ్యాక్ లాగ్ విద్యార్ధులకు కూడా పార్ట్ 1 ఇంగ్లీష్ పేపర్ 1 ఉంటుంది. 27న రెగ్యులర్ విద్యార్ధులకు హిస్టరీ పేపర్1, బ్యాక్ లాగ్ విద్యార్ధులకు హిస్టరీ, బోటనీ పరీక్షలు ఉంటాయి.

మార్చి 2న ఫస్టియర్ రెగ్యులర్ విద్యార్ధులకు మ్యాథ్స్ పేపర్1, బ్యాక్ లాగ్ విద్యార్ధులకు మ్యాథ్స్ పేపర్ 1ఏ, మార్చి 5న రెగ్యులర్ విద్యార్ధులకు బయోలజీ పేపర్ 1, బ్యాక్ లాగ్ విద్యార్ధులకు మ్యాథ్స్ పేపర్ 1 బీ, జువాలజీ పేపర్ 1 ఉంటాయి. మార్చి 7న రెగ్యులర్,బ్యాక్ లాగ్ ఇద్దరికీ ఎకనామిక్స్ పేపర్ 1 ఉంటుంది. మార్చి 10న ఇద్దరికీ ఫిజిక్స్ పేపర్ 1, మార్చి 12న ఇద్దరికీ కామర్స్ పేపర్ 1 ఉంటుంది. దీంతో పాటు అదే రోజు బ్యాక్ లాగ్ వారికి సోషియాలజీ, ఫైన్ ఆర్ట్స్, మ్యూజిక్ పరీక్షలు ఉంటాయి. మార్చ్ 14న రెగ్యులర్, బ్యాక్ లాగ్ కు కామర్స్ తో పాటు బ్యాక్ లాగ్ బైపీసీ విద్యార్ధులకు మ్యాథ్స్ బ్రిడ్జి కోర్సు పరీక్ష కూడా ఉంటుంది. మార్చి 17న రెగ్యులర్, బ్యాక్ లాగ్ కు కెమిస్ట్రీ పరీక్ష ఉంటుంది. మార్చి 20న ఇద్దరికీ పబ్లిక్ అడ్మినిస్ట్రేషన్, లాజిక్ పేపర్ 1 పరీక్షలుంటాయి. మార్చి 24న ఇద్దరికీ మోడ్రన్ లాంగ్వేజ్, జాగ్రఫీ ఉంటాయి.

ఇంటర్ సెకండియర్ కు ఫిబ్రవరి 24తో పరీక్షలు మొదలవుతాయి. 24న రెగ్యులర్, బ్యాక్ లాగ్ ఇద్దరికీ సెకండ్ లాంగ్వేజ్ పేపర్ ఉంటుంది. 26న ఇంగ్లీష్ పేపర్ 2, 28న బోటనీ, హిస్టరీ, మార్చి 3న మ్యాథ్స్ పేపర్ 2ఏ, సివిక్స్ పేపర్ 2 ఉంటాయి. మార్చి 6న జువాలజీ, ఎకనామిక్స్ ఉంటాయి. మార్చి 9న మ్యాథ్స్ పేపర్ 2బీ ఉంటుంది. మార్చి 11న కామర్స్, సోషియాలజీ, ఫైన్ ఆర్డ్స్, మ్యూజిక్ ఉంటాయి. మార్చి 13న ఫిజిక్స్, మార్చి 16న మోడ్రన్ లాంగ్వేజ్, జాగ్రఫీ, బైపీసీ విద్యార్ధులకు మ్యాథ్స్ బ్రిడ్జి కోర్సు పరీక్షలు ఉంటాయి. మార్చి 18న కెమిస్ట్రీ, మార్చి 23న పబ్లిక్ అడ్మినిస్ట్రేషన్, లాజిక్ పేపర్లు ఉంటాయి.