స్టార్ హీరో విడాకుల కేసులో ఊహించని ట్విస్ట్..వార్నింగ్ ఇచ్చిన కోర్టు
ఇటీవలే తమిళ స్టార్ హీరో జయం రవి సైతం తన భార్య ఆర్తికు విడాకులిచ్చారు. ప్రేమ వివాహం చేసుకున్న ఈ జంటకు ఇద్దరు కుమారులు కూడా ఉన్నారు. అయితే వీరిద్దరి మధ్య మనస్పర్థలు రావడంతో విడాకులు తీసుకున్నారు. అధికారికంగా తాము విడిపోతున్నట్టు జయం రవి తెలిపారు. అటు జయం రవి భార్య ఆర్తి సైతం విడాకులపై కీలక ప్రకటన చేశారు. విడాకులపై తనని సంప్రదించకుండానే ప్రకటించారని జయం రవి భార్య ఆర్తి ఆవేదన వ్యక్తం చేశారు.
ఇదిలా ఉంటే.. భరణం విషయంలో జయం రవి భార్య ఆర్తి మరోసారి కోర్టు మెట్లు ఎక్కింది. విడాకుల కేసులో భరణం కోరుతూ పిటిషన్ దాఖలు చేసింది. నెలకు రూ.40 లక్షలు భరణం ఇప్పించాలని కోరుతూ పిటిషన్ దాఖలు చేసింది. ఈ పిటిషన్పై స్పందించిన కోర్టు విచారణను జూన్ 12కి వాయిదా వేసింది. అలాగే వీరిద్దరికి కూడా కోర్టు చిన్నపాటి వార్నింగ్ ఇచ్చింది. సోషల్ మీడియాలో దంపతులు ఒకరిపై ఒకరు పరువు నష్టం కలిగించే పోస్టులను పెట్టవద్దని ఆదేశించింది. దీంతో ఆర్తి తన మాజీ భర్తపై పెట్టిన పోస్టులన్నీ తొలగించింది. ఈ విషయాన్ని ఆర్తి తన సోషల్ మీడియా ద్వారా తెలియజేశారు.
మరోవైపు భార్య ఆర్తితో విడాకుల తర్వాత జయం రవి మరో అమ్మాయితో క్లోజ్గా మూవ్ అవుతూ కనిపించారు. జయం రవి కేనిషా ఫ్రాన్సిస్ అనే సింగర్తో రిలేషన్లో ఉన్నట్టు వార్తలొస్తున్నాయి. వీరిద్దరు డేటింగ్ చేస్తున్నారని రూమర్స్ తెర మీదకు వస్తున్నాయి. అసలు ఆమెకు, జయం రవికి ఎలా పరిచయం ఏర్పడిందనేది చూస్తే, కేనిషా ఫ్రాన్సిస్ సింగర్. ఇండిపెండెంట్ ఆల్బమ్స్ పాడి పాపులర్ అయ్యింది.
బెంగుళూరుకి చెందిన కేనిషా గోవాలోని పబ్లలో పాటలు పాడుతుంటుంది. తమిళంలో జీవా నిర్మించిన ఓ ఆల్బమ్లోనూ ఆమె పాటలు పాడింది. అడపాదడపా సినిమాల్లో పాడటంతోపాటు సోలో ఆల్బమ్స్తోనూ ఎక్కువగా పాపులారిటీని సొంతం చేసుకుంది.జయం రవి తన సినిమాల షూటింగ్లు లేని టైమ్లో కాలేజ్ ఫ్రెండ్స్ తో కలిసి గోవాకి వెళ్తుండేవాడు. అక్కడ పబ్కి వెళ్లినప్పుడు కేనిషా పరిచయం అయ్యిందట. ఈ పరిచయం ప్రేమగా మారడంతోనే జయం రవి తన భార్యకు విడాకులిచ్చారని తెలుస్తోంది.త్వరలోనే వీరిద్దరు పెళ్లి చేసుకోవడానికి రెడీ అవుతున్నారట.
Click it and Unblock the Notifications
Sign in with Google