రష్మిక ఆస్తుల విలువ ఎంతో తెలుసా?

దక్షిణ భారతదేశం నుంచి హీరోయిన్ గా ఉంటూ పాన్ ఇండియా హీరోయిన్ గా మారినవారు ఎవరైనా ఉన్నారా? అంటే రష్మిక అనే సమాధానం ఠక్కున వస్తుంది. నేషనల్ క్రష్ గా గుర్తింపు పొందింది. రష్మిక ఏదైనా సినిమా ఒప్పుకుంది అంటే కచ్చితంగా ఆ సినిమా హిట్ అవుతుందనే నమ్మకం రోజురోజుకూ బలపడుతోంది. ఛలో సినిమా ద్వారా కన్నడ పరిశ్రమ నుంచి తెలుగు పరిశ్రమలోకి అడుగు పెట్టిన రష్మిక అన్ని భాషల్లో నటిస్తున్న ఏకైక నటి కావడం గమనార్హం.

ప్రస్తుతం ఒక్కో సినిమాకు రూ.3 కోట్ల పారితోషికం తీసుకుంటోంది. వాస్తవానికి తను నిర్మాత, దర్శకులను దృష్టిలో పెట్టుకొని కథ నచ్చితే పారితోషికం కూడా తగ్గించి తీసుకుంటుంది. పాన్ ఇండియా హీరోయిన్ గా ఉన్నప్పటికీ ఇతర హీరోయిన్ల కంటే తక్కువ రెమ్యునరేషన్ తీసుకుంటోంది. తాజాగా తెలుగులో ఓ సినిమా ఒప్పుకున్నట్లు తెలుస్తోంది. ఈ సినిమాకు రూ.4 కోట్లు అడుగుతోందని సమాచారం. అయితే చిత్ర బడ్జెట్ తక్కువ అని, అందుకనుగుణంగా ఆలోచించి నిర్ణయం తీసుకోవాలని నిర్మాత, దర్శకులు కోరినట్లు సమాచారం.

తన తాజా చిత్రం యూనిమల్ బ్లాక్ బస్టర్ గా నిలిచినప్పటికీ వచ్చిన ఆఫర్లను ఒప్పుకోకుండా సెలక్టివ్ గా సినిమాలు చేసుకుంటూ వస్తోంది. ప్రస్తుతం రెయిన్ బో, గర్ల్ ఫ్రెండ్, పుష్ప2 సినిమాలు చేస్తోంది. సినిమాలతోపాటు వాణిజ్య ప్రకటనల్లో కూడా నటిస్తోంది. తద్వారా భారీగానే ఆదాయాన్ని కూడగడుతోందంటున్నారు. గత సంవత్సరం వచ్చిన ఒక నివేదిక ప్రకారం రష్మిక నెలకు రూ.70 లక్షలు సంపాదిస్తోంది. అది కాకుండా సినిమా ఒప్పుకుంటే రూ.3 నుంచి రూ.4 కోట్ల మధ్యలో తీసుకుంటోంది. ఇప్పటివరకు రష్మిక ఆస్తుల విలువ రూ.60 నుంచి రూ.70 కోట్ల మధ్యలో ఉంటుందంటున్నారు.

English summary

Rashmika is also earning a huge income through commercials, where she is paid between Rs.3 to Rs.4 crores per film. The total property value is between Rs.60 to Rs.70 crores.