"పెద్ది" మూవీ ఫస్ట్ రివ్యూ.. అన్న భారీ హిట్ కొట్టేశాడు !!
గ్లోబల్ స్టార్ రామ్ చరణ్ నటించిన అత్యంత ప్రతిష్టాత్మక చిత్రం 'పెద్ది' విడుదలకు ముందే భారీ హైప్ను సొంతం చేసుకుంది. 'ఉప్పెన'తో దర్శకుడిగా తన ప్రతిభను చాటుకున్న బుచ్చిబాబు సానా, ఈసారి గ్రామీణ నేపథ్యం, స్పోర్ట్స్ ఎమోషన్స్, సామాజిక అంశాలను కలిపి భారీ కాన్వాస్పై ఈ చిత్రాన్ని తెరకెక్కించారు. జూన్ 4న ప్రపంచవ్యాప్తంగా విడుదల కానున్న ఈ సినిమా ప్రీమియర్ షోలు ఇప్పటికే పలు ప్రాంతాల్లో ప్రదర్శించగా, వాటి నుంచి వస్తున్న ప్రారంభ స్పందనలు ఇప్పుడు టాలీవుడ్లో హాట్ టాపిక్గా మారాయి.
సినిమా స్టోరీ..
విజయనగరం ప్రాంతానికి సమీపంలోని ఓ మారుమూల గ్రామం నేపథ్యంలో కథ ప్రారంభమవుతుంది. ఆ గ్రామానికి చెందిన యువకులు ఆటల్లో ప్రతిభావంతులు. అయితే వారి ప్రతిభను కొందరు తమ లాభాల కోసం వినియోగించుకుంటుంటారు. క్రికెట్, కుస్తీ, పరుగుపందేలు వంటి క్రీడల్లో అద్భుత ప్రతిభ కలిగిన పెద్ది తన గ్రామం, తన మనుషుల కోసం పోరాడే వ్యక్తిగా కనిపిస్తాడు. గ్రామానికి గుర్తింపు లేకపోవడం, సామాజిక వివక్ష, తన స్నేహితుడి మరణం వంటి సంఘటనలు పెద్దిని తిరుగుబాటుదారుడిగా మారుస్తాయి. అక్కడి నుంచి మొదలయ్యే అతని ప్రయాణం ఢిల్లీ వరకు వెళ్లి, పెద్ద స్థాయి పోరాటంగా మారుతుందట.
మూవీ ఎలా ఉందంటే..
ప్రీమియర్ టాక్ ప్రకారం సినిమా మొదటి భాగం ప్రధాన బలంగా నిలిచింది. రామ్ చరణ్ ఎంట్రీ సీన్, గ్రామీణ వాతావరణం, క్రికెట్ మ్యాచ్ల నేపథ్యంలో వచ్చే ఎలివేషన్స్ థియేటర్లలో అభిమానులకు పండగలా ఉంటాయని చెబుతున్నారు. మాస్ డైలాగులు, ఊరమాస్ బాడీ లాంగ్వేజ్, రామ్ చరణ్ స్క్రీన్ ప్రెజెన్స్ మొదటి భాగాన్ని పూర్తిగా డామినేట్ చేస్తాయట. కొన్ని కామెడీ సన్నివేశాలు, ప్రేమకథ ఎపిసోడ్స్, గ్రామీణ జీవనశైలి చిత్రణ ప్రేక్షకులను కథలోకి తీసుకెళ్తాయని సమాచారం. సినిమాలో అత్యధికంగా చర్చకు వస్తున్న అంశం ఇంటర్వెల్ ఎపిసోడ్. తన గ్రామ ప్రజల కోసం పెద్ది తీసుకునే నిర్ణయం, ఆ తర్వాత జరిగే సంఘటనలు ప్రేక్షకుల్లో రెండో భాగంపై భారీ ఆసక్తిని పెంచుతాయని తెలుస్తోంది.
రెండో భాగంలో కథ పూర్తిగా ఢిల్లీకి షిఫ్ట్ అవుతుంది. గ్రామం నుంచి జాతీయ స్థాయి సమస్యల వరకు హీరో ప్రయాణం చూపించారని తెలుస్తోంది. అయితే సెకండాఫ్ ప్రారంభంలో కథనం కొంత నెమ్మదిగా అనిపిస్తుందని, రాజకీయ నేపథ్య సన్నివేశాలు ఎక్కువగా ఉండటంతో వేగం తగ్గిన భావన కలుగుతుందని కొందరు అభిప్రాయపడుతున్నారు. కానీ కుటుంబ బంధాలు, గ్రామం కోసం హీరో చేసే పోరాటం, భావోద్వేగ సన్నివేశాలు సినిమాకు బలంగా నిలుస్తాయని సమాచారం. చివరి 25-30 నిమిషాలు సినిమాకు హైలైట్గా నిలిచాయని సమాచారం. భారీ రన్నింగ్ ఎపిసోడ్స్, ఎమోషనల్ పే ఆఫ్, స్పోర్ట్స్ బ్యాక్డ్రాప్లో వచ్చే క్లైమాక్స్ ప్రేక్షకులకు గూస్బంప్స్ తెప్పిస్తుందని టాక్. ఈ ఎపిసోడ్స్ వల్లే సినిమా ముగిసిన తర్వాత కూడా ప్రేక్షకుల మనసులో కథ నిలిచిపోతుందని చెబుతున్నారు.
ఎవరెలా చేశారంటే..
రామ్ చరణ్ వన్ మ్యాన్ షో?
ప్రీమియర్ చూసిన వారి అభిప్రాయం ప్రకారం ఈ సినిమా ప్రధాన ఆకర్షణ రామ్ చరణ్ నటనే. మాస్ సన్నివేశాల్లో ఎనర్జీ, ఎమోషనల్ సన్నివేశాల్లో హృదయాన్ని తాకే నటనతో ఆయన మరోసారి తన నటన స్థాయిని చాటుకున్నారని చెబుతున్నారు. ప్రత్యేకంగా క్రికెట్ మ్యాచ్లు, కుస్తీ పోటీలు, రన్నింగ్ ఎపిసోడ్స్లో చరణ్ అంకితభావం స్పష్టంగా కనిపిస్తుందని సమాచారం.
జగపతి బాబు పాత్ర హైలైట్..
అప్పల సూరి పాత్రలో జగపతి బాబు నటన సినిమాకు ప్రధాన బలంగా నిలిచిందని టాక్. ఆయన పాత్ర కథలో కీలక మలుపులు తీసుకురావడంతో పాటు భావోద్వేగాలకు కూడా బలం చేకూరుస్తుందట.
కన్నడ స్టార్ శివరాజ్ కుమార్ పాత్ర కూడా ప్రభావవంతంగా ఉంటుందని, ఆయన కనిపించే సన్నివేశాలు కథకు ప్రత్యేకమైన వెయిట్ తీసుకొస్తాయని చెబుతున్నారు.
అచ్చమ్మ పాత్రలో జాన్వీ కపూర్ అందంగా కనిపించినప్పటికీ, కొన్ని సన్నివేశాల్లో నటన కొంచెం అతిగా అనిపిస్తుందని కొందరు ప్రేక్షకుల అభిప్రాయం. అయితే రామ్ చరణ్తో ఆమె కెమిస్ట్రీ బాగుందని, గ్రామీణ యువతి పాత్రకు సరిపడేలా కనిపించిందని మరికొందరు చెబుతున్నారు.
టెక్నికల్ డిపార్ట్మెంట్ అదిరిపోయిందా?
- టెక్నికల్గా 'పెద్ది' అత్యున్నత స్థాయిలో ఉందని ప్రీమియర్ టాక్ చెబుతోంది.
- రత్నవేలు సినిమాటోగ్రఫీ ప్రతి ఫ్రేమ్ను విజువల్ వండర్గా మార్చిందని సమాచారం. గ్రామీణ ప్రాంతాల అందాలు, క్రీడా పోటీలు, భారీ క్లైమాక్స్ సన్నివేశాలు తెరపై అద్భుతంగా కనిపిస్తాయట.
- ఆస్కార్ విజేత ఏఆర్ రెహమాన్ బ్యాక్గ్రౌండ్ స్కోర్ కొన్ని కీలక సన్నివేశాలకు ప్రాణం పోసిందని అంటున్నారు. ముఖ్యంగా ఇంటర్వెల్, క్లైమాక్స్ ఎపిసోడ్స్లో ఆయన సంగీతం ప్రభావం స్పష్టంగా కనిపిస్తుందట.
ప్లస్ పాయింట్స్:
రామ్ చరణ్ నటన
ఫస్టాఫ్ ఎంటర్టైన్మెంట్
ఇంటర్వెల్ బ్యాంగ్
జగపతి బాబు పాత్ర
క్లైమాక్స్ ఎపిసోడ్స్
రత్నవేలు విజువల్స్
గ్రామీణ నేపథ్యం
మైనస్ పాయింట్స్:
సెకండాఫ్ నెమ్మదిగా సాగడం
రెగ్యులర్ స్క్రీన్ప్లే
కొన్ని చోట్ల ఎమోషన్స్ ఎక్కువగా ఉండటం
జాన్వీ పాత్రకు పరిమిత ప్రాధాన్యం
మొత్తంగా చూస్తే, 'పెద్ది' అభిమానులకు ఫుల్ మీల్స్ లాంటి సినిమా కాగా, సాధారణ ప్రేక్షకులకు ఎమోషనల్ కనెక్ట్ ఏర్పడితే బాక్సాఫీస్ వద్ద భారీ విజయాన్ని అందుకునే అవకాశాలు కనిపిస్తున్నాయి.
Click it and Unblock the Notifications
Sign in with Google