రామ్ చరణ్ "పెద్ది" సినిమాలో ఎన్టీఆర్ గ్లింప్స్.. 180 సెకన్లపాటు గూస్ బంప్స్ పక్కా..!!

గ్లోబల్ స్టార్ రామ్ చరణ్ ప్రతిష్టాత్మక చిత్రం "పెద్ది" .. జూన్ 4 న ఈ మూవీ ప్రపంచవ్యాప్తంగా ప్రేక్షకుల ముందుకు రానుంది. ఈ మూవీ ఇప్పటికే రిలీజ్ కావాల్సి ఉండగా పలుసార్లు వాయిదా పడిన విషయం తెలిసిందే. ఎట్టకేలకు మరో 20 రోజుల్లో సినిమా రిలీజ్ కానున్న నేపథ్యంలో ప్రస్తుతం ఎక్కడ చూసినా 'పెద్ది' మేనియా నడుస్తోంది. ఉప్పెన మూవీ ఫేమ్ బుచ్చిబాబు సానా ఈ చిత్రాన్ని ప్రతిష్టాత్మకంగా తెరకెక్కించారు. క్రికెట్, కుస్తీ పోటీలు, విజయనగరం గ్రామీణ నేపథ్యంలో ఈ కథ సాగుతున్నట్లు స్పష్టం అవుతోంది. ఇప్పటికే రిలీజ్ అయిన పెద్ది సినిమాలోని గ్లింప్స్, పాటలు అంచనాలను మరింత పెంచేశాయి. ఇక త్వరలోనే పెద్ది సినిమా నుంచి ఓ మాస్ సాంగ్ ను కూడా విడుదల చేయనున్నట్లు తెలుస్తోంది.

2026 జూన్ 4న ప్రపంచవ్యాప్తంగా విడుదల కానున్న పెద్ది చిత్రం కోసం నార్త్ అమెరికాలో బుకింగ్స్ భారీ స్థాయిలో దూసుకెళ్తున్నాయి. చరణ్ క్రేజ్‌ కు తోడు బుచ్చిబాబు మార్క్ ఎమోషన్స్ తోడవ్వడంతో ఈ సినిమా సరికొత్త రికార్డులు సృష్టించడం ఖాయం అని తెలుస్తోంది. అయితే పెద్ది టీమ్ నుంచి నందమూరి ఫ్యాన్స్ కు అదిరిపోయే ట్విస్ట్ ఒకటి బయటకు వచ్చింది. పెద్ది మూవీలో ఎన్టీఆర్- ప్రశాంత్ నీల్ కాంబోలో వస్తున్న మూవీ గ్లింప్స్ ను యాడ్ చేసినట్లు తెలుస్తోంది. మైత్రీ మూవీ మేకర్స్ ఈ రెండు భారీ చిత్రాల నిర్మాణంలో భాగస్వామ్యంగా ఉన్న సంగతి తెలిసిందే. ప్రశాంత్ నీల్ దర్శకత్వంలో ఎన్టీఆర్ డ్రాగన్ గా ఎలా ఉండబోతున్నారో తెలుసుకునేందుకు యావత్ ప్రపంచవ్యాప్తంగా అభిమానులు ఎదురుచూస్తున్నారు.

ఇక పెద్ది సినిమాలో రామ్ చరణ్ సరసన బాలీవుడ్ బ్యూటీ జాన్వి కపూర్ హీరోయిన్ గా నటిస్తోంది. అలాగే ఈ మూవీలో జగపతిబాబు, కన్నడ స్టార్ శివరాజ్ కుమార్, దివ్యేందు శర్మ, బొమన్ ఇరానీ కీలక పాత్రల్లో నటించారు. ఈ సినిమాకు ఏఆర్ రెహమాన్ సంగీతం అందించారు. వృద్ధి సినిమాస్ ఈ చిత్రాన్ని నిర్మిస్తోంది.