'ఫైర్ స్ట్రోమ్' పాట 'ఓజీ' సినిమాలో లేదా..? గాలి తీసేశారు కదరా..!

పవర్ స్టార్ పవన్ కల్యాణ్ లేటెస్ట్ మూవీ ఓజీ. పవన్ కల్యాణ్ అభిమానులు ఎంతో ఆత్రుతగా ఎదురు చూస్తున్న సినిమాల్లో ఈ మూవీ ఒకటి. రన్ రాజా రన్, సాహో ఫేమ్ సుజీత్ దర్శకత్వంలో గ్యాంగ్‌ స్టర్‌ యాక్షన్ నేపథ్యంలో తెరకెక్కుతున్న ఈ సినిమాపై అంచనాలు ఆకాశాన్ని తాకుతున్నాయి. ఇప్పటికే హరిహర వీరమల్లు మూవీతో కొంత నిరాశ పడ్డారు మెగా ఫ్యాన్స్. అయితే ఓజీ మూవీతో ఫుష్ జోష్ మూడో లోకి వచ్చారు. ఈ మూవీ సెప్టెంబర్ 25,2025న ప్రపంచవ్యాప్తంగా విడుదల కానుంది. ఇటీవల రిలీజైన 'ఫైర్ స్ట్రోమ్' పాట యూట్యూబ్ ను షేక్ చేస్తోంది. ఫీల్ ది ఫైర్ అంటూ సాగుతున్న ఈ పాట ఫుల్ పవర్​ఫుల్​గా ఉంది. బ్యాక్​ గ్రౌండ్ లో తమన్ అందించిన మ్యూజిక్ పాటను మరో స్థాయికి తీసుకెళ్లింది.

ఇక ఈ ఫైర్ స్ట్రోమ్ పాటకు తమన్ మ్యూజిక్ అందించగా.. ఆయనతోపాటు నజీరుద్దీన్, భరతరాజ్, శింబు, దీపక్ బ్లూ గానం చేశారు. విశ్వ, శ్రీనివాస మౌళి తెలుగు లిరిక్స్ అందించగా, రాజా కుమారి ఇంగ్లీష్ లిరిక్స్ రాశారు. అయితే ఇంటర్నెట్ ను షేక్ చేస్తున్న ఈ పాటకు సంబంధించిన ఓ వార్త సామాజిక మాధ్యమాల్లో వైరల్ గా మారింది. ఈ పాట సినిమాలో ఉండదట. ఈ ఫైర్ స్ట్రోమ్ పాటను సినిమాలో కేవలం ఒక థీమ్ మ్యూజిక్ గా వాడుతారని టాక్ వినిపిస్తోంది. మూవీలో ఎక్కడైతే ఎలివేషన్ సీన్స్ వస్తాయో అక్కడ బ్యాక్ గ్రౌండ్ మ్యూజిక్ లాగా ఈ పాటకు సంబంధించిన లిరిక్స్ వస్తూ ఉంటాయని టాక్ నెట్టింట చక్కర్లు కొడుతోంది. అయితే ఈ లిరికల్ వీడియో సాంగ్ ను ఇప్పటి వరకు హిందీ, తమిళ వెర్షన్స్ లో విడుదల చేయకపోవడం గమనార్హం.

ఇక ఈ సినిమాను డైరెక్టర్ సుజిత్ గ్యాంగ్‌స్టర్‌ యాక్షన్ సాగాలా తెరకెక్కించారు. ఇందులో పవన్‌ కల్యాణ్ 'ఓజాస్‌ గంభీర'అనే పవర్​ ఫుల్​ పాత్రలో కనిపించనున్నారు. ఇక ప్రతినాయకుడిగా బాలీవుడ్ సీనియర్ నటుడు ఇమ్రాన్‌ హష్మీ నటిస్తున్నారు. సినిమా కథ ముంబై బ్యాక్ డ్రాప్ లో సాగనున్నట్ల టీజర్, సాంగ్స్ బట్టి అర్థం అవుతోంది. ఈ మూవీలో ప్రియాంకా అరుళ్ మోహన్‌ హీరోయిన్​ గా నటిస్తోంది. సీనియర్ నటి శ్రియా రెడ్డి కీలక పాత్ర పోషిస్తున్నారు. డీవీవీ ఎంటర్‌ టైన్‌ మెంట్‌ బ్యానర్​ పై డీవీవీ దానయ్య ఈ చిత్రాన్ని నిర్మించారు.