ఘర్షణ: నన్నపనేని ఇలా పడిపోయారు (పిక్చర్స్)

By Pratap

Published: Tuesday, December 17, 2013, 10:30 [IST]

హైదరాబాద్: తెలంగాణ ముసాయిదా బిల్లును శాసనమండలిలో ప్రతిపాదించిన నేపథ్యంలో ప్రాంతాలవారీగా ఎమ్మెల్సీలు విడిపోయి, వివాదాలకు దిగారు. దీంతో సోమవారం శాసనమండలి వెలుపల ఘర్షణ వాతావరణం నెలకొంది. తెలుగుదేశం పార్టీ ఎమ్మెల్సీ సతీష్ రెడ్డి తెలంగాణ ముసాయిదా బిల్లు ప్రతిని చించేయడానికి ప్రయత్నించారు.

సతీష్ రెడ్డి ప్రయత్నాన్ని అడ్డుకోవడానికి తెలంగాణ రాష్ట్ర సమితి (తెరాస) ఎమ్మెల్సీ స్వామి గౌడ్ ప్రచయత్నించారు. ఈ స్థితిలో తోపులాట చోటు చేసుకుంది. ఈ సమయంలో తెలుగుదేశం ఎమ్మెల్సీ నన్నపనేని రాజకుమారి కింద పడిపోయారు.

స్వామి గౌడ్ తోసేయడం వల్లనే ఆమె కింద పడిపోయారనే ఆరోపణలు వచ్చాయి. దీంతో నన్నపనేని రాజకుమారి తనకు జరిగిన అవమానంపై పార్టీ అధ్యక్షుడు నారా చంద్రబాబు నాయుడు వద్ద మొర పెట్టుకున్నారు.

శమంతకమణి డ్రామా..

రాష్ట్ర విభజన వల్ల సీమాంధ్రకు అన్యాయం జరుగుతోందని తెలియజేయడానికి తెలుగుదేశం ఎమ్మెల్సీ శమంతకమణి ఇలా డ్రామా వేసి చూపించారు.

కిందపడిన నన్నపనేని

ఎమ్మెల్సీల మధ్య జరిగిన తోపులాటలో తెలుగుదేశం పార్టీ ఎమ్మెల్సీ నన్నపనేని రాజకుమారి కిందపడిపోయారు.

ఇద్దరి మధ్య వాదులాట..

తెలంగాణ ముసాయిదా బిల్లు ప్రతిని చింపడానికి ప్రయత్నిస్తున్న టిడిపి ఎమ్మెల్సీ సతీష్ రెడ్డిని అడ్డుకోవడానికి తెరాస ఎమ్మెల్సీ స్వామి గౌడ్ అడ్డుకోవడానికి ప్రయత్నించారు.