రాజకుమారి ఆవేదన

రాష్ట్ర రాజకీయాల్లో నన్నపనేని రాజకుమారిది విశిష్ట స్ధానం. రాజకీయ నాయకురాలిగా అమె గొంతు పెగిల్చి గట్టిగా ఎంతగా విమర్శలు చేయగలరో, కవయిత్రిగా, భావుకురాలిగా ఆమె తన భావాలను పలికించగలరు. మొదట ఎన్టీఆర్ స్ఫూర్తితో రాజకీయాల్లోకి వచ్చినా ఆమె ఆ తర్వాత ఎన్టీఆర్ కు వెన్నుపోటు పొడిచిన నాదెండ్ల వైపు వెళ్ళారు. ఆ తర్వాత సహజంగా గంగానది వంటి కాంగ్రెస్ లో కలిసి పోయారు.

కాంగ్రెస్ అధికారంలో ఉన్నప్పుడు చీఫ్ విప్ పదవిని ఎంజాయ్ చేసిన ఆమె,ఎ ప్పుడైతే కాంగ్రెస్ లో వైఎస్ ఆధిపత్యం పెరిగిపోయిందో వెంటనే తన స్వగృహమైన తెలుగుదేశం పార్టీలో చేరిపోయారు. ఆమె చంద్రబాబును సపోర్ట్ చేస్తూ ఎన్ని డేరింగ్ ప్రకటనలు చేసినా బాబు ఆమె నిజాయితీని నమ్మలేకపోతున్నారు. ఫైర్ బ్రాండ్ అయిన రాజకుమారి గురించి మిగితా తెలుగు మహిళా నాయకులే బాబుకు చాడీలు చెబుతున్నారని సమాచారం.

ఎక్కడా ఎక్కువ కాలం కాలు నిలువని రాజకుమారి ఫైనల్ గా చిరంజీవి పార్టీలో చేరాలనుకున్నారు. కానీ అక్కడ కూడా మహిళా నాయకులు ఆమెకు అడ్డు పడుతున్నట్టు సమాచారం. అయినా అరవై ఏళ్ళ తర్వాత రాజకీయాల్లో ఉండనని ప్రకటించిన రాజకుమారికి క్లైమాక్స్ లో ఎందుకింత ఆవేదన? హాయినా కొన్ని కవిత్వం పుస్తకాలు రాసుకోక?