రోజా భవిష్యత్తు ఏమిటి?

ఒకనాటి హీరోయిన్ రోజా ఇప్పుడు తెలుగు మహిళ అధ్యక్షురాలై ఒక వెలుగు వెలుగుతున్నారు. చక్కటి ఉపన్యాస శైలి, సమయస్ఫూర్తి ఆమెకు ఉన్నాయన్న విషయం అందరికీ తెలిసింది. చిత్తూరు జిల్లాకు చెందిన రోజాకు ఒక వేళ అసెంబ్లీ టికెట్ దొరకకపోయినా మరో ముఖ్యమైన పదవి లభించడం ఖాయం.

మద్యం బెల్టు షాపులకు వ్యతిరేకంగా "బెల్టు తీస్తా" అని రోజా ఏనాడో చేసిన ప్రకటన సంచలనమైంది. ఇతర పార్టీలు ఇప్పుడు ఆ ప్రకటనలను పదే పదే చేస్తున్నాయి. రోజాను ఒక నియోజకవర్గానికి పరిమితం చేయకుండా రాష్ట్ర మంతటా తిప్పి ప్రచారం చేయించాలని చంద్రబాబు నాయుడు భావిస్తున్నట్టు తెలుస్తోంది.

ఎన్నికల సమయంలో ఇటువంటి టాలెంట్లను వాడుకుని ఆ తర్వాత మొండి చేయి చూపడం చంద్రబాబు నాయుడికి మామూలేనని విమర్శకులు అంటున్నారు. చంద్రబాబు నాయుడు గతంలో జయప్రదను ప్రచారానికి వాడుకుని వదిలేసిన విషయం చాలా మందికి తెలిసిందే. అయితే రోజా జయప్రద అంత సాఫ్ట్ కాదు. తనకు అన్యాయం జరిగితే చంద్రబాబు నాయుడిని చెలిగి పారేసే సత్తా ఆమెకు ఉంది.