విజయశాంతి ఏం చేస్తోంది?

టీఅర్ ఎస్ టికెట్ పై మెదక్ నుంచి పోటీ చేసి లోక్ సభ్యురాలైన విజయశాంతి ఆ పార్టీ కార్యకలాపాలకు దూరంగా ఉంటున్నారు. టిఆర్ ఎస్ సెక్రటరీ జనరల్ కూడా అయిన ఆమెకు జూబిలీహిల్స్ తెలంగాణ భవన్ లో ప్రత్యేక చాంబర్ ఉంది. అయినా అమె చాలా కాలంగా పార్టీ కార్యాలయానికి రావడం లేదు. బోనాల సందర్భంగా హైదరాబాద్ లో తెలంగాణ వనితలా బోణం తలకెత్తుకుని ఆమె గతంలో మీడియాకు పోజులిచ్చేది.ఈసారి అది కూడా లేదు.

ఆమె ఢిల్లీలో తన పనులు చక్కబెట్టుకుంటున్నట్టు తెలుస్తోంది.ఎంపీగా ఉన్నప్పుడే కాస్త నాలుగు రాళ్ళు వెనకేసుకోవాలని ఆమె అనుకుంటున్నట్టుగా ఉంది. ఢిల్లీ నుంచి నేరుగా చెన్నై వెళ్ళిపోయి అక్కడి తన హోటల్ వ్యవహారాలు, ఇతర వ్యాపారాలు చూసుకుంటున్నట్టు తెలుస్తోంది. ఇలాగైతే ప్రత్యేక తెలంగాణ రాష్ట్రం ఎప్పుడు రావాలి? తెలంగాణ వాదం ఏమై పోవాలి?