అదుర్స్ మగధీరను దాటిపోతుందా? చిరు ఆరాలు

జూనియర్ ఎన్టీఆర్ "అదుర్స్" సినిమా కలెక్షన్లను చిరంజీవి ఏ రోజుకారోజు స్టడీ చేస్తున్నారా? తనయుడు రామ్ చరణ్ తేజ "మగధీర" రికార్డులను "అదుర్స్" అధిగమిస్తుందేనన్న భయాలు చిరంజీవికి ఉన్నాయా? "అదుర్స్" కు మొదట మామూలు హిట్ టాక్ వచ్చినా రోజురోజుకీ సూపర్ హిట్ టాక్ వస్తోంది. అదుర్స్ ను తెలంగాణలో అడ్డుకోడానికి టీఅర్ ఎస్ ప్రయత్నించడంతో కోస్తాంధ్ర, రాయలసీమల్లో సానుభూతి పెరిగి కలెక్షన్లు బాగా పెరుగుతున్నట్టు ట్రేడ్ వర్గాలు చెబుతున్నాయి. తెలంగాణలో కూడా కలెక్షన్లు బాగానే ఉన్నట్టు సమాచారం. వివిధ వివాదాల్లో చిక్కుకోవడం సినిమాకు ప్లస్ పాయింట్లు ఆయ్యాయి.

రాజకీయాల్లో పెద్దగా ప్రభావం చూపలేకపోయిన చిరంజీవి తన అభిమాన రంగమైన సినిమా ఫీల్డ్ కు సంబంధించిన అనేక రకాల సమాచారం తెలుసుకుంటూ కాలక్షేపం చేస్తున్నట్టు సమాచారం. మగధీర హిందీ వెర్షన్, తమిళ డబ్బింగ్ ల మీద కూడా ఆయ దృష్టి కేంద్రీకరిస్తున్నట్టు తెలుస్తోంది. త్వరలో విడుదల కానున్న కేడీ, లీడర్ చిత్రాల సమాచారాన్ని చిరంజీవి తెలుసుకుంటూ, అవి అదుర్స్ కలెక్షన్లను తగ్గించగలవా అన్న యాంగిల్ లోకూడా అలోచన చేస్తున్నట్టు సన్నిహిత వర్గాలు చెబుతున్నాయి. ఒకవేళ ఈ రెండు సినిమాలు నిరుత్సాహ పరిస్తే అదుర్స్ మగధీరను అధిగమించినా ఆశ్చర్యం లేదంటున్నారు.