హిందూ మతంపై నిత్యానంద స్వామి ఎఫెక్ట్

స్వామి నిత్యానంద నిర్వాకం వల్ల, కల్కి భగవాన్ ధన దాహం వల్ల హిందూ మతానికి మాయని మచ్చ ఏర్పడింది. సామాన్యులే కాకుండా ప్రముఖులు కూడా వారిని సాక్షాత్తు దైవ స్వరూపులుగా భావించి ఆరాధించారు. ధన దాహంతో కల్కి డ్రగ్స్ (మాదక ద్రవ్యాలు) బిజినెస్ లో వందల కోట్లు గడించడం చర్చనీయాంశమైంది. కామ దాహంతో స్వామి నిత్యానంద హీరోయిన్ల పాదాలకు దాసోహమనడం భక్తులకు తీవ్ర మనస్ధాపం కలిగించింది.

ఈ స్వాముల ద్వారా హిందూ మతానికి జరిగిన నష్టాన్ని తమ మతానికి లాభంగా మార్చుకోడానికి ఒక మతం వారు తమిళనాడు, కర్ణాటక సరిహద్దుల్లోని గ్రామాల్లో మీటింగులు పెట్టుకుని, మత మార్పిడిని ప్రోత్సహిస్తున్నట్టు సమాచారం ఉంది. వైఎస్ హయాంలో, ఆయన అల్లుడు అనిల్ కుమార్ ద్వారా వర్ధిల్లిన ఆ మతం మళ్ళీ ఇప్పుడు విజృభిస్తున్నట్టు సమాచారం. నైతికత్వం లేని వారు ఏ మతంలోనైనా ఉంటారు. అంత మాత్రం చేత ఒక మతాన్ని వదిలి మరో మతంలోకి ప్రవేశించడం ఎంత వరకు సమంజసం. ఈ పాయింట్ ను జనం ఎవరికి వారు ఆలోచించుకుంటే మంచిది.