ఆషాఢమాసంలో చెయ్యాల్సిన, చెయ్యకూడని పనులివే.. పాటిస్తున్నారా?
మన తెలుగు నెలలలో ఆషాఢ మాసానికి ఒక ప్రాధాన్యత ఉంది. ప్రస్తుతం ఆషాడ మాసం కొనసాగుతుంది. ప్రకారం ఈ మాసాన్ని సూన్యమాసం గా భావిస్తారు ఈ కాలంలోనే మనకు వర్షరుతువు కూడా ప్రారంభమై వర్షాలు కురుస్తాయి. ఆషాడ మాసాన్ని కోరికలు తీర్చే మాసంగా పరిగణిస్తారు. అందుకే ఈ మాసంలో ఆధ్యాత్మికతకు సంబంధించిన అనేక పనులు చేయాలని చెబుతారు .
ముఖ్యంగా భగవన్నామస్మరణ ఆషాఢమాసంలో మంచి ఫలితాలను ఇస్తుందని చెబుతున్నారు. ఆషాఢ మాసంలో శ్రీ మహావిష్ణువును భక్తిశ్రద్ధలతో పూజిస్తే శుభఫలితాలు వస్తాయని నమ్ముతారు. శ్రీమహావిష్ణువు దయతో అష్టైశ్వర్యాలు సిద్ధిస్తాయని చెబుతారు. ఈ మాసంలో కుజుడిని పూజించటం వల్ల మీ జీవితంలో సమస్యలన్నీ తొలగిపోతాయి. ఆషాడమాసంలో దుర్గాదేవిని పూజించడం వల్ల కూడా మంచి జరుగుతుంది.
అంతేకాదు పుణ్య నదులలో, సముద్రాలలో స్నానం చేయడం వల్ల కూడా దోషాలు తొలగిపోయి అంతా మంచి జరుగుతుంది.ఇక ఆషాఢ మాసంలో పొరపాటున కూడా కొన్ని పనులు చేయకూడదు. ముఖ్యంగా వివాహాది శుభకార్యాలు చేయకూడదు. అంతేకాదు ఆషాడమాసంలో కొత్తగా పెళ్లైన జంటలు కాపురం చేయకూడదు.
కొత్త కోడలిని ఖచ్చితంగా వారి పుట్టింటికి పంపించాలి. ఆషాడమాసంలో కొత్త కోడలు పుట్టింటికి వెళ్లకపోతే అత్తా కోడళ్ళ మధ్య మనస్పర్థలు వచ్చి గొడవలు జరుగుతాయి అని చెబుతారు. ఈ మాసం మహిళలు గర్భం ధరించటానికి సరైన మాసం కాకపోవడం వల్ల ఆషాడ మాసం లో కొన్ని పనులు చెయ్యకూడదని నియమాలు పెట్టారు.
ఆషాడ మాసం అనారోగ్యం మాసం కావడంతో, జలుబు, జ్వరం వంటి ఆరోగ్య సమస్యలు వచ్చే అవకాశం ఉందని చెబుతున్నారు. అందుకే ఆషాఢ మాసంలో కొన్ని నియమాలను ఏర్పరిచి వాటిని తప్పనిసరిగా పాటించాలని సూచిస్తున్నారు. ఆషాడమాసంలో ఆలస్యంగా నిద్రించకూడదు అని, ఆహారం విషయంలో ప్రత్యేకమైన శ్రద్ధ తీసుకోవాలని, చద్ది ఆహారాన్ని తినడం మానుకోవాలని చెబుతున్నారు. ఆషాడ మాసం లో ఆకుకూరలు, మాంసం, చేపలు, మద్యం, బెండకాయలు, వెల్లుల్లి, ఉల్లిపాయలు తినకూడదు అని చెబుతున్నారు.
disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google