ఇంట్లో, ఆఫీసులో తాబేలుని ఎక్కడ పెట్టుకోవాలి? ఏ రకమైన తాబేలును పెట్టుకోవాలి?

ఈరోజుల్లో ఎక్కడ చూసినా, ఏ ఇంట్లో చూసినా, కార్యాలయాల్లో చూసినా తాబేలు కచ్చితంగా కనపడుతోంది. హిందూ పురాణాల్లో తాబేలుకు ప్రత్యేక స్థానం ఉంది. వాస్తు సమస్యలను కూడా తొలగిస్తుంది. తాబేలు వల్ల అదృష్టం, సంపద, శ్రేయస్సు కలుగుతాయని వాస్తు శాస్త్రం చెబుతోంది. ఇంట్లో తాబేలు ఉంటే వాస్తు దోషాలన్నీ పటాపంచలవుతాయి. సానుకూల శక్తిని పెంచుతుంది. ప్రతికూల శక్తిని పారదోలుతుంది. ఆర్థికంగా ఉన్న సమస్యలన్నీ తొలగిపోతాయి. ఒకరకంగా ఇంటికి రక్షణ కవచం అని చెప్పొచ్చు.

బంగారం, వెండి, ఇత్తడితో చేసిన తాబేలు విగ్రహాన్ని ఇంటికి ఉత్తరం లేదా వాయువ్య దిశలోనే ఉంచాలి. ఇలా ఉంచితే చాలా శుభప్రదం.

స్పటిక తాబేలు
నీరు నిండిన పాత్రలో దీన్ని ఉంచాలి. ప్రతిరోజు నీటిని మార్చాలి. ఈశాన్య దిశలో ఉంచాలి.

లోహం తాబేలు
కెరీర్ పరంగా ఉన్నత స్థాయికి వెళ్లాలనుకునేవారు దీన్ని కార్యాలయంలో ఉంచుకోవాలి. ఉత్తర దిశలో ఉంటే మంచిది.

చెక్క తాబేలు
దీనివల్ల ఇంట్లో ప్రతికూల శక్తులన్నీ తొలగిపోతాయి. కుటుంబ సభ్యుల జీవితాలను ఆనందంగా ఉంచుతుంది. అందరినీ మంచివారుగా తీర్చిదిద్దుతుంది.

పిల్లలతో ఉన్న తాబేలు
పిల్లలతో ఉన్న తాబేలు కుటుంబానికి ప్రతీక. ఇది ఇంట్లో ఉంటే కుటుంబ సభ్యుల మద్య విభేదాలు తలెత్తవు.

తాబేలు విగ్రహాన్ని ఎక్కడ ఉంచాలంటే
పిల్లల గదిలో ఉంటే మంచిది. అలాగే ఇంటికి ప్రధాన ద్వారం దగ్గర ఉన్నా మంచిది. తాబేలు నోరు ఇంటి లోపలికి చూసేలా ఉండాలి. ఇది చాలా శుభప్రదం. పిల్లల చదువులో ఏకాగ్రత పెరుగుతుంది.

తాబేలును పెట్టడానికి మంచిరోజు
క్యాలెండరులో మంచి సమయం చూసుకొని పసుపు పువ్వులతో తాబేలుకు కుంకుమ పెట్టాలి. ప్రతిరోజు దానిపై ఒక తులసి దళం ఉంచాలి. బుధవారం, గురువారం, శుక్రవారం రోజుల్లో ఇంట్లో పెట్టుకోవచ్చు.

English summary

Having a turtle in the house not only brings harmony but also removes Vastu defects. A turtle made of wood keeps the family happy.