సంజయ్ దత్ రాజకీయ అవతారం

లక్నో: బాలీవుడ్ నటుడు, లక్నో సమాజ్ వాదీ అభ్యర్థి సంజయ్ దత్ ఇక పూర్తి స్థాయి రాజకీయ అవతారాన్ని ప్రారంభించనున్నాడు. వచ్చే ఎన్నికల్లో అనుసరించాల్సిన వ్యూహంపై చర్చించేందుకు ఆయన మంగళవారం రాత్రి ఇక్కడికి వచ్చాడు. పార్టీ కార్యకర్తలతో ఆయన చర్చలు జరుపుతారు.

ఆయన తన తండ్రి సునీల్ దత్ 1951 నుంచి నాలుగేళ్ల పాటు నివసించిన అమీనాబాద్ లోని ఇంటిని కూడా ఆయన దర్శిస్తారు. ఇక్కడ జనం రద్దీగా ఉంటుంది. పార్టీ కేంద్ర కార్యాలయంలో ఆయన ఎస్పీ కార్యకర్తలను కలుసుకుంటారని పార్టీ అధికార ప్రతినిధి రాజేంద్ర చౌదరి మీడియా ప్రతినిధులతో చెప్పారు. అమీనాబాదులో మైనారిటీలను కూడా ఆయన కలుసుకుంటారు.