గోవిందా స్థానంలో నగ్మా

న్యూఢిల్లీ: ఉత్తర ముంబై లోకసభ స్థానం నుంచి సినీ నటి నగ్మాను పోటీకి దింపాలని కాంగ్రెసు పార్టీ నాయకత్వం ఆలోచిస్తోంది. బాలీవుడ్ నటుడు గోవిందా స్థానంలో నగ్మాను పోటీకి దించాలనేది కాంగ్రెస్ నాయకత్వం యోచన. ప్రస్తుతం లోకసభకు ఈ సీటు నుంచి గోవిందానే ప్రాతినిధ్యం వహిస్తున్నారు.

ఐదు సార్లు పార్లమెంటు సభ్యుడిగా ఉన్న బిజెపి నేత రామ్ నాయక్ ను గోవిందా 48,271 ఓట్ల తేడాతో ఓడించాడు. గోవిందా అభ్యర్థిత్వాన్ని పార్టీ నాయకత్వం ఈసారి పరిశీలించడం లేదని తెలుస్తోంది. ఆయన స్థానంలో నగ్మాను రామ్ నాయక్ పై పోటీకి దింపాలని కాంగ్రెసు నాయకత్వం యోచిస్తోంది.