భద్రత పెంపునకు వరుణ్ లేఖ

న్యూఢిల్లీ: భారతీయ జనతా పార్టీ (బిజెపి) నేత వరుణ్ గాధీ తనకు భద్రత పెంచాలని కోరుతూ హోం మంత్రిత్వ శాఖకు లేఖ రాశారు. వరుణ్ ప్రాణాలకు ముప్పు ఉండడంతో బుధవారం నుంచి ఆయన భద్రత ప్రధాన అంశంగా మారింది. ప్రస్తుత వివాదం దృష్ట్యా తనకు కల్పించిన భద్రతను సమీక్షించి దాన్ని పెంచాల్సిన అవసరం ఉందని ఆయన తన లేఖలో చెప్పారు.

కుటుంబ చరిత్రను పరిగణనలోకి తీసుకుని సమస్య తీవ్రతను గమనించి తనకు భద్రత పెంచాలని ఆయన కోరారు. గత నెల 20వ తేదీన రాసిన లేఖకు హోంమంత్రిత్వ శాఖ సమాధానం కూడా ఇచ్చింది. వరుణ్ కు భద్రత కల్పించే విషయమై సంబంధిత అధికారి చర్యలు తీసుకుంటారని తెలియజేసింది.