చిరుకు నటన తెలియదు: కృష్ణంరాజు

రాజమండ్రి: తనకు, తమ పార్టీ అధ్యక్షుడు చిరంజీవికి బయట నటించడం తెలియదని ప్రజారాజ్యం పార్టీ రాజమండ్రి లోకసభ అభ్యర్థి కృష్ణం రాజు అన్నారు. రాజమండ్రి ఎన్నికల ప్రచార సభలో సోమవారం చిరంజీవి మాట్లాడిన తర్వాత ఆయన ప్రసంగించారు. సినిమా షూటింగులో పాల్గొంటే చిరంజీవికి లక్షల రూపాయలు వస్తాయని, డబ్బుల కోసం ఏదో చేయాల్సిన అవసరం చిరంజీవికి లేదని ఆయన అన్నారు. యువతకు, మహిళలకు, బడుగు ప్రజలకు మేలు చేయడానికే చిరంజీవి రాజకీయాల్లోకి వచ్చారని ఆయన అన్నారు.

తాను మళ్లీ రాజమండ్రి వస్తానని, అప్పుడు విజయలక్ష్మిని వెంట తీసుకుని వస్తానని అంతకు ముందు చిరంజీవి అన్నారు. యువతకు, మహిళలకు, పేద ప్రజలకు న్యాయం చేయడానికే తాము రాజకీయాల్లోకి వచ్చామని ఆయన చెప్పారు. సామాజిక న్యాయ సాధనే తమ లక్ష్యమని ఆయన చెప్పారు.